បរទេស៖ មហាសេដ្ឋីមានប្រាក់ពាន់លាន និងជាអតីតថៅកែកម្មវិធីប្រណាំងរថយន្ដ ហ្វមមូឡាវ័ន (Formula One) គឺលោក Bernie Bcclestone វ័យ ៨៩ឆ្នាំ និងប្រពន្ធឈ្មោះ Fabiana Flosi វ័យ ៤៤ឆ្នាំ ទើបទទួលស្វាគមន៍កូនប្រុសលើកដំបូង កាលពីថ្ងៃពុធកន្លងនេះ ក្រោយបានរៀបការជាមួយគ្នា តាំងពីឆ្នាំ២០១២មក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមអ្នកនាំពាក្យរបស់លោក Bcclestone បានឲ្យដឹងថា កូនប្រុសរបស់លោកបានកើតនៅជិតទីក្រុងបឺន ប្រទេសស្វីស ជាកន្លែងដែលរូបលោក និងប្រពន្ធចំណាយពេលបង្ខាំងខ្លួនឯងពីជំងឺកូវីដ១៩ ហើយអ្នកទាំងពីរបានដាក់ឈ្មោះកូនរបស់ខ្លួនថា Ace ។
Ace គឺជាកូនប្រុសដំបូងបំផុតរបស់លោក Bcclestone ជាមួយ Flosi ខណៈដែលបច្ចុប្បន្ន លោកមានកូនស្រីជាមួយប្រព្ធនមុនៗចំនួន ៣នាក់ និងមានចៅរហូតដល់ ៥នាក់រួចទៅហើយ។
ទោះជាយ៉ាងណាក៏ដោយ មហាសេដ្ឋីមានប្រាក់ ៣,២០០លានដុល្លារអាមេរិកគិតត្រឹមឆ្នាំ២០២០ រូបនេះ នឹងឈានចូលវ័យ ៩០ឆ្នាំនៅខែតុលាខាងមុន ប៉ុន្ដែលោកបានប្រាប់សារព័ត៌មានរបស់ចក្រភពអង់គ្លេសមួយថា «អាយុមិនមែនជាឧបសគ្គ សម្រាប់លោកទេ»៕
សូមទស្សនារូបភាពខាងក្រោម៖