ភ្នំពេញ៖ ប្រិយមិត្តជាច្រើនប្រាកដជាបានដឹងហើយថា កីឡាករ រឿង សោភ័ណ្ឌ និងត្រូវប្រកួតជាមួយកីឡាករបរទេសនៅថ្ងៃអាទិត្យនេះ អមគូប្រកួតដណ្តើមខ្សែក្រវ៉ាត់។ ឥឡូវនេះដៃគូ រឿង សោភ័ណ្ឌ បានបង្ហាញមុខហើយ បន្ទាប់ពីការទន្ទឹមរង់ចាំរបស់បងប្អូន អស់រយៈពេលជិត១សប្តាហ៍។ គូប្រកួតរបស់ សោភ័ណ្ឌ ជាជនជាតិអង់គ្លេស ធ្លាប់ប្រកួតចំនួន១៤លើក ក្នុងនោះទទួលជ័យជម្នះ៩ដង មានឈ្មោះថា Max Shaw ប៉ុន្តែនេះមិនមែនជាឈ្មោះពិតរបស់គាត់ឡើយ។ Max Shaw បានប្រាប់ថាគាត់បានមកកម្ពុជាតាំងពីខែ វិច្ឆិកា ឆ្នាំ២០១៩ តែដោយសារជម្ងឺរាតត្បាតកូវីដ១៩ទើបគាត់មិនអាចត្រលប់ទៅវិញបាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសព្វថ្ងៃគាត់ហាត់នៅក្លិប Cambodia Top Team ជាមួយលោកគ្រូ ហ៊ុន ចាន់រាជ ដើម្បីស្វែងយល់ពីក្បាច់គុណខ្មែររបស់បុព្វបុរសយើង។ វិលមកកីឡាករយើង រឿង សោភ័ណ្ឌ ទោះបីជាដៃគូមានបទពិសោធន៍តិចជាងខ្លួន ច្រើនមែន តែគាត់ថាមិនអាចវាយតម្លៃបានទេ ព្រោះគាត់មានកម្ពស់ខ្ពស់ជាងខ្លាំង និងខុសគីឡូគ្នាក៏ច្រើនដែរ ព្រោះពួកគាត់ប្រកួតគ្នាក្នុងប្រភេទទម្ងន់ ៧៥គីឡូក្រាម។ យ៉ាងណាក៏ដោយចង់ដឹងអ្នកទាំងពីរ ប៉ះគ្នាកក្រើក ឬយ៉ាងណា កុំភ្លេចនៅថ្ងៃអាទិត្យស្អែកនេះ នៅលើសង្វៀនទូរទស្សន៍ភីអិនអិន៕
តោះទៅស្តាប់ការសាកសួរខ្លះៗរបស់អ្នកទាំងពីរមុន ការប្រកួតនៅថ្ងៃស្អែក៖