ប៉ាគីស្ថាន៖​ យ៉ាងហោចណាស់មានមនុស្ស ២១ នាក់បានស្លាប់ បន្ទាប់ពីរថភ្លើងបុករថយន្តដឹកអ្នកធម្មយាត្រានៅភាគពាយព្យប្រទេសប៉ាគីស្ថាន។

ប៉ូលីសបាននិយាយថា ករណីនេះកើតឡើងនៅលើផ្លូវឆ្លងកាត់ក្បែរ Sheikhupura ក្នុងខេត្ត Punjab ។ អ្នកដែលស្លាប់បាត់បង់ជីវិតភាគច្រើនត្រូវបានគេនិយាយថា មកពីក្រុមគ្រួសារមួយ ដែលធ្វើដំណើរតាមផ្លូវត្រឡប់មកពីណាណានណាដែលជាទីតាំងសំខាន់មួយនៃសាសនាស៊ីក។ មនុស្ស ១០ នាក់ផ្សេងទៀតបានរងរបួស។ ឧប្បត្តិហេតុនេះកើតឡើងបន្ទាប់ពីបណ្តាលមកពីគ្រោះថ្នាក់ចរាចរណ៍ថ្មីៗនៅលើផ្លូវដែកប៉ាគីស្ថាន។

រថភ្លើង បុករថយន្ត

ក្រុមមន្រ្តីបាននិយាយថា អ្នកបើកបររថយន្តដឹកទំនិញនៅក្នុងហេតុការណ៍គ្រោះថ្នាក់កាលពីថ្ងៃសុក្របានព្យាយាមបើកតាមផ្លូវកាត់ ដើម្បីចៀសវាងការឆ្លងកាត់ផ្លូវធំ ខណៈពេលនេះទ្វាររបងត្រូវបានបិទ។ អ្នកបើកបរក៏ត្រូវបានបាត់បងជីវិតផងដែរ។ ប៉ូលីស Sheikhupura បានប្រាប់កាសែត Dawn របស់ប្រទេសប៉ាគីស្ថានថាមានមនុស្សពី ២៥ ទៅ ៣០ នាក់កំពុងធ្វើដំណើរនៅក្នុងរថយន្តនោះ ដោយបន្ថែមថា ស្ត្រីនិងកុមារស្ថិតក្នុងចំណោមជនរងគ្រោះទាំងនេះ។​

មនុស្សជាង ៧០ នាក់បានស្លាប់នៅពេលរថភ្លើងនៅក្រុង Karachi-Rawalpindi បានឆាបឆេះក្នុងកំឡុងពេលដំណើររបស់ខ្លួនកាលពីខែវិច្ឆិកាឆ្នាំមុន។ វាគ្រាន់តែជាឧប្បត្តិហេតុមួយក្នុងចំណោមឧប្បត្តិហេតុទាក់ទងនឹងផ្លូវដែកជាង ១០០ នៅក្នុងប្រទេសក្នុងឆ្នាំ ២០១៩ ៕

ទីតាំងកើតហេតុ

ប្រភព​​​៖ BBC

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ