Tyson Fury នឹងត្រូវប្រកួតការពារខ្សែក្រវ៉ាត់ពិភពលោករបស់ខ្លួន ក្នុងជំនួបជាមួយ Deontay Wilder

បរទេស៖ ជំនួបលើកទី៣ រវាង Tyson Fury និង​ Deontay Wilder ត្រូវបានគេកំណត់ថ្ងៃប្រកួតហើយ នៅថ្ងៃទី១៩ ខែធ្នូ ចុងឆ្នាំនេះ។

កីឡាករវ័យ៣៤ឆ្នាំ Wilder ធ្លាប់មានសំណាងបានស្មើ Fury កាលពីជំនួបលើកទី១ ដោយអ្នកទស្សនាភាគច្រើនគិតថា Fury គួរតែជាអ្នកឈ្នះ។ ខណៈការជួបគ្នាម្ដងទៀតក្នុងជំនួបលើកទី២ កាលពីខែកុម្ភៈ Fury បានទទួលជ័យជម្នះ ហើយការប្រកួតនោះ គឺជាការចាញ់លើកដំបូងរបស់ Wilder ក្នុងការប្រកួតទាំង៤២លើកកន្លងទៅ។

Tyson Fury ត្រូវតែយកជ័យជម្នះក្នុងការប្រកួតនេះ ដែលជាការប្រកួតចុងក្រោយជាមួយ Wilder មុនជួបដៃគូបន្ទាប់ Dillian Whyte ឬការប្រកួតដណ្តើមខ្សែក្រវ៉ាត់ជាមួយ Anthony Joshua។ 

នាយកប្រតិបត្តិកំពូល Brad Jacobs បញ្ជាក់ថាការប្រកួតនេះនឹងត្រូវរៀបចំនៅក្នុងខែធ្នូខាងមុខ ហើយចាក់ផ្សាយនៅទូទាំងពិភពលោក។ គាត់បានប្រាប់សារពត៌មាន Sky Sports ថា៖

Tyson Fury និង​ Deontay Wilder ត្រូវបានដាក់ឲ្យប្រកួតសងសឹក នៅក្នុងខែកក្កដានេះ ប៉ុន្តែត្រូវបានរារាំងដោយសារការរាតត្បាតវីរុសកូរ៉ូណា។ ទោះជាយ៉ាងណាក៏ដោយជំនួបរបស់ពួកគេនឹងត្រូវបញ្ចប់នៅចុងឆ្នាំនេះ ចំណែកសំបុត្រចូលទស្សនាអាចនឹងដាក់លក់នៅប្រទេសចិនឬ ប្រទេសក្នុងមជ្ឈឹមបូព៌ា៕ 

ប្រភព៖ The Sun