បុរសម្នាក់ ហេតុតែចង់បានLikeច្រើន សុខចិត្តលោតចូលក្នុងអាងចិញ្ចឹមត្រី ត្រូវប៉ូលិសចាប់ខ្លួន (Video Inside)

អាមេរិក៖ ថ្មីៗនេះ មានបុរសម្នាក់ឈ្មោះថា Kevin Wise ត្រូវបានប៉ូលិសចាប់ខ្លួន​ ក្រោយពីបានលោតចូលក្នុងអាងចិញ្ចឹមត្រីមួយនៅក្នុង ហាងលក់សម្លៀកបំពាក់មួយឈ្មោះ Louisiana Boardwalk ដែលមានទីតាំងនៅក្នុងទីក្រុងBossier ។

ដោយឡែក ក្រោយមក ប្រហែលជាប៉ុន្មានម៉ោងរំលងផុតទៅ បុរសនេះម្នាក់បានជាប់ចោទពី បទល្មើសបំផ្លាញទ្រព្យសម្បត្តិអ្នកដទៃ នេះបើតាមលោកប៉ូលីសបានលើកឡើង យ៉ាងដូច្នេះ។

មុនពេលដែលមានរឿងនេះកើតឡើង គេឃើញបុរសម្នាក់បាននិយាយថា ប្រសិនជាខ្លួនបានចំនួនLike គ្រប់ចំនួន២០០០នោះ រូបគេនឹងហក់ចូលក្នុងអាងទឹកនោះ ក្រោយពីបានចំនួនLike គ្រប់ចំនួនហើយ បុរសម្នាក់ក៏គោរពតាមពាក្យសន្យា ដោយហក់ប្លុងចូលក្នុងអាងទឹកប្រូងរួចហើយ រត់ចេញ មិនបានប៉ុន្មានម៉ោងផង ប៉ូលីសក៏ចាប់បានស្រេច។

ក្រោយពីបានឃើញដូច្នេះ អ្នកប្រើប្រាស់បណ្តាញសង្គម សម្តែងការខឹងសម្បារយ៉ាងខ្លាំងចំពោះ Kevin Wise ដោយពួកគេបានរិះគន់ថា ពិភពលោកកំពុងតែជួបនឹងវីរុសកូរ៉ូណា ប៉ុន្តែបុរសម្នាក់ ធ្វើបែរទៅជាលេងហ្គេមដែលគ្មានប្រយោជន៍ទៅវិញ៕

សូមចូលមើលវីដេអូនិង រូបភាពខាងក្រោម៖