អ៊ីស្តង់ប៊ុល៖ ទីភ្នាក់ងារសារព័ត៌មាន រ៉យទ័រ បានរាយការណ៍ថា យ៉ាងហោចណាស់មានមនុស្ស ២នាក់បានស្លាប់ និង ៧៣នាក់ផ្សេងទៀតរងរបួស បន្ទាប់ពីរោងចក្រផលិតកាំជ្រួចមួយ នៅក្នុងស្រុក Hendek ខេត្ត Sakarya ភាគពាយព្យប្រទេសតួកគី បានផ្ទុះឆេះកាលពីថ្ងៃសុក្រម្សិលមិញនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
យោងតាមនាយកដ្ឋានគ្រប់គ្រងគ្រោះមហន្តរាយនិងគ្រោះអាសន្នរបស់ប្រទេសតួកគី (AFAD) បានឱ្យដឹងថា ហេតុការណ៍ផ្ទុះឆេះរោងចក្រកាំជ្រួចនេះ បានកើតឡើងនៅវេលាម៉ោង ១១ៈ១៥ នាទីព្រឹក។ ហើយរថយន្តសង្គ្រោះបន្ទាន់ចំនួន ៨៥គ្រឿង និងឧទ្ធម្ភាគចក្រ ២គ្រឿង រួមទាំងរថយន្តពន្លត់អគ្គីភ័យ ត្រូវបានគេបញ្ជូនទៅដល់កន្លែងកើតហេតុ។
គួរជម្រាបផងដែរថា បច្ចុប្បន្នអ្នករងរបួសទាំងអស់ ត្រូវបានគេបញ្ជូនទៅសម្រាកព្យាបាលនៅមន្ទីរពេទ្យ ហើយបើតាមអាជ្ញាធរបានឱ្យដឹងថា ហេតុការណ៍ផ្ទុះឆេះរោងចក្រផលិតកាំជ្រូចនៅប្រទេសតួកគីនេះ គឺបានកើតឡើងចំនួន ៣លើកមកហើយ បើគិតតាំងពីឆ្នាំ ២០០៩៕
សូមទស្សនាវីដេអូខាងក្រោម៖
Bong I.T