អ្នករៀបចំការប្រកួតវគ្គផ្ដាច់ព្រ័ត្រលីគប៊ុលការីត្រូវពិន័យជាង ១,៧០០ ដុល្លារ ដោយសារមូលហេតុនេះ

ប៊ុលការី៖ កាលពីថ្ងៃពុធនេះ លីគបាល់ទាត់អាជីពប៊ុលការី (PFL) ត្រូវបានពិន័យជាប្រាក់ ១,៧២៣ ដុល្លារ បន្ទាប់ពីបានល្មើសនឹងគោលការរក្សាគម្លាតសង្គម។

អ្នកគាំទ្រក្រុម CSKA Sofia ​និងក្រុម Lokomotiv Plovdiv នៅកីឡដ្ឋានជាតិ Vasil Levski ជាច្រើនពាន់អ្នកបានល្មើសនឹងច្បាប់រក្សាគម្លាតសង្គម ដោយពួកគេបានអង្គុយកៅអីកៅអីជាប់ៗគ្នា និងមិនបានពាក់ប្រដាប់ការពារដូចជាម៉ាស់នោះទេ។ 

ចំពោះក្លឹបទាំងពីរនោះវិញ ទោះបីជាពួកមិនត្រូវបានពីពិន័យដោយសារករណីខាងលើមែន តែពួកគេត្រូវបានពិន័យដោយសារមានការប្រើប្រាស់កាំជ្រួច និងគ្រាប់បែកផ្សែង ក៏ដូចជាការច្រៀងចម្រៀងដែលខ្វះសីលធម៌។

គួរបញ្ជាក់ផងដែរ រដ្ឋាភិបាលប៊ុលការីបានអនុញ្ញាតឱ្យមានទស្សនាសរុប ១២,០០០ ដែលភ្ជាប់ជា មួយនឹងវិធានការការពារមួយចំនួន ដើម្បីឱ្យលីគក្នុងស្រុកដំណើរការឡើងវិញ កាលពីថ្ងៃទី៥ ខែមិថុនា បន្ទាប់ពីផ្អាកអស់រយៈពេលជិត៣ខែ៕

ប្រភព៖ CNA