ភ្នំពេញ៖ គូប្រភេទទម្ងន់ស្រាល សេក គីមហេង និង កប ស៊ីថៃ វាយគ្នាដូចព្យុះរហូតមានការល្មើសថែមដៃគូមួយជើង ទាំងដែលដៃគូកំពុងដួល។ កីឡាករវ័យក្មេងទាំងពីរ ប្រកួតក្នុងប្រភេទទម្ងន់៤៨គីឡូក្រាម និងមានបទពិសោធន៍នៅលើសង្វៀនប្រកួតជាង១០ដង ដូចគ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកទាំងពីរមានសមត្ថភាពដូចគ្នា សម្រុកគ្នាឥតសម្ចៃ ប៉ុន្តែនៅចុងទឺកទី២ សេក គីមហេង បានជ្រុលថែមមួយជើងស្តាំទៅលើផ្ទៃមុខរបស់ កប ស៊ីថៃ នៅពេល ស៊ីថៃ ដួល តែមិនបណ្តាលឲ្យមានរបួសអ្វីឡើយ។ យ៉ាងណាក៏ដោយនេះប្រហែលមកពីកាលៈទេសៈពេលនោះ លឿនពេកមិនអាចគ្រប់គ្រងអារម្មណ៍បាន តែនេះជាការប្រព្រឹត្តិខុសទៅនឹងវិន័យនៅលើសង្វៀនប្រកួត។ ជាចុងបញ្ចប់ សេក គីមហេង ទទួលជ័យជម្នះក្នុងការប្រកួតនេះ៕
ចង់ដឹង សេក គីមហេង និង កប ស៊ីថៃ ប្រកួត ទៅទស្សនាវីដេអូខាងក្រោមទាំងអស់គ្នា៖