មុនគឺជាប្រភេទជំងឺសើស្បែកទូទៅម្យ៉ាង ដែលកើតនៅស្បែក មិនថានៅលើដងខ្លួន និងជាពិសេសនៅលើផ្ទៃមុខតែម្តង ដែលអាចចោទជាបញ្ហាមួយដ៏ធំ ដែលជាផលប៉ះពាល់យ៉ាងខ្លាំងដល់សម្រស់យុវវ័យ កាត់បន្ថយភាពស្រស់ស្អាតនិង ភាពទាក់ទាញយ៉ាងខ្លាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ គេសង្កេតឃើញថា មុនគឺចាប់ផ្តើមកើតចំពោះក្មេងៗ ជាពិសេសគឺយុវវ័យចាប់ពីអាយុ១១ឆ្នាំរហូតទៅ៣០ឆ្នាំ ដល់ដែលច្រើនកើតឡើងបំផុត គឺជាមនុស្សប្រុសជាងមនុស្សស្រី ដោយសារកត្តា អាយុ ហ្សែន អ័រម៉ូននិង ការបរិភោគដែលមានជាតិខ្លាញ់ឬ ប្រូតេអុីនច្រើនជាដើម។
ជាក់ស្តែង ដោយសារដឹងពីបញ្ហាទាំងនេះហើយ ទើបបានជាថ្ងៃនេះ សូមចែករំលែកចំណេះដឹង ដែលទាក់ទងទៅនឹងបន្លែមួយចំនួនដែលអាចកម្ចាត់មុនចេញពីមុន ដងខ្លួននិង ធ្វើឲ្យស្បែកយើងមានលក្ខណៈស្អាតបានយ៉ាងមានប្រសិទ្ធភាពផងដែរ៖
១.ការ៉ុត
ការ៉ុតអាចជួយដើរតួព្យាបាលមុន បានយ៉ាងឆាប់រហ័សដោយសារតែវាសម្បូរទៅដោយវីតាមីន Aនិង C ដែលជួយព្យាបាលមុខមុននិង ធ្វើឲ្យមុខអ្នកក្មេងជាងវ័យផងដែរ។
២.ដំឡូងផ្អែម
នៅក្នុងដំឡូងផ្អែមសម្បូរសារជាតិវីតាមីន Cនិង E ដែលអាចព្យាបាលមុននិង ថែមទាំងធ្វើឲ្យស្លាកស្នាមមុនអាចជាមានរហ័សទៀតផង។
៣.ប៉េងបោះ
ប៉េងបោះគឺជាបន្លែមួយ ប្រភេទក្នុងចំណោមប្រភេទផ្សេងៗទៀតដែលសម្បូរសារធាតុវីតាមីនA Cនិង Kជាដើម ដែលអាចជួយព្យាបាលមុននិង ថែមទាំងជួយបំពេញជាតិនៅក្នុងខ្លួនផងដែរ។
៤. ល្ពៅ
នៅក្នុងផ្លែល្ពៅគឺពោពេញទៅដោយវីតាមីនB ដែលអាចជួយព្យាបាលមុនហើយ វាថែមទាំងជួយរក្សាកំរិតអ័រម៉ូននៅក្នុងខ្លួនយើង នៅក្នុងកម្រិតសមល្មមទៀត ដែលធ្វើឲ្យការកើតឡើងនៃមុនថ្មីៗអាចកាត់បន្ថយបានផងដែរ។
៥.បន្លែប្រភេទស្លឹក
បន្លែប្រភេទនេះមានដូចជាខាត់ណាផ្កា ផ្កាខាត់ណាខៀវ ស្ពៃក្តោប សាឡាតឮ ជាដើម ដែលសម្បូរទៅដោយវីតាមីន E ប៉េតាការ៉ូទីននិង ជាតិសរសៃច្រើន ដែលអាចកម្ចាត់កោសិកាចាស់និង មុនបានយ៉ាងមានប្រសិទ្ធភាព។