កង់បេរ៉ា៖ ប្រទេសអូស្រ្តាលីកំពុងពិចារណាចំណាយថវិកាបន្ថែម ដើម្បីទិញអាវុធមកពង្រឹងប្រព័ន្ធការពាររបស់ខ្លួន ដោយផ្តោតសំខាន់លើតំបន់ឥណ្ឌូប៉ាស៊ីហ្វិក ខណៈពេលដែលភាពតានតឹងរវាងអាមេរិកនិងចិន ចេះតែបន្តកើតមានឡើង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
នាយករដ្ឋមន្ត្រីអូស្ត្រាលី លោក ស្កុត ម៉ូរីសុន (Scott Morrison) បានលើកឡើងដូច្នេះថា៖
នៅក្នុងរយៈពេលជាង ១០ឆ្នាំចុងក្រោយនេះ អូស្ត្រាលីបានចំណាយថវិកាប្រមាណ ១៨៦ ពាន់លានដុល្លារ លើសព្វាវុធការពារជាតិ។ ហើយអូស្ត្រាលី នឹងបន្តទិញមីស៊ីលរយៈចម្ងាយឆ្ងាយ រួមទាំងអាវុធទំនើបៗផ្សេងទៀត ដើម្បីទុកប្រឆាំងនឹងសត្រូវ ពេលមានជម្លោះកើតឡើងនាពេលអនាគត។
គួរបញ្ជាក់ផងដែរថា ក្នុងការចំណាយថវិកាលើវិស័យការពារជាតិនេះ ប្រទេសអូស្ត្រាលីគ្រោងទិញអាវុធពីសហរដ្ឋអាមេរិក ដែលមានទាំងមីស៊ីលប្រឆាំងនាវាចម្បាំង អាចហោះបានចម្ងាយ ៣៧០គីឡូម៉ែត្រ ចំនួន ២០០គ្រាប់។ បន្ថែមពីនេះ អូស្ត្រាលីក៏បានវិនិយោគ លើការអភិវឌ្ឍប្រព័ន្ធមីស៊ីលល្បឿងលឿនជាងសម្លេង ដែលអាចហោះបានចម្ងាយរាប់ពាន់គីឡូម៉ែត្រផងដែរ៕
Bong I.T