ប៊ុន សុធា ថាបាក់ទឹកចិត្តខ្លាំងក្រោយរបូតកៅអីទៅវគ្គផ្តាច់ព្រ័ត្រ និងថា វ៉ាន់ វឿន អាចខូចដៃរបស់ ចំរើន បើមិនវ៉ៃកៀក

ភ្នំពេញ៖ ប្រិយបា្រកដជាបានដឹងហើយថាកីឡាករ ប៊ុន សុធា បានចាញ់ អេលីត ចំរើន កាលពីវគ្គពាក់កណ្តាលផ្តាច់ព្រ័ត្រ។ សុធា ថាបានបាក់ទឹកចិត្តជាខ្លាំង ក្រោយមិនបានឡើងទៅវគ្គផ្តាច់ព្រ័ត្រដណ្តើមខ្សែក្រវ៉ាត់មាស សង្វៀនភីអ៊ិនអ៊ិន ដែលមានប្រាក់រង្វាន់រហូតដល់១ម៉ឺនដុល្លារ ព្រោះខ្លួនបានខិតខំប្រឹងប្រែងអស់ពីលទ្ធភាពទៅហើយ។

ក្រោយមានការលើកទឹកចិត្តពីបងប្អូនអ្នកគាំទ្រ ជាពិសេសអ្នកម្តាយរបស់ខ្លួន ទើបមានការតាំងចិត្តខំប្រឹងហាត់ពង្រឹងសមត្ថភាពខ្លួនឡើយវិញ។ ប៊ុន សុធា បាននិយាយចំពោះការប៉ះគ្នារវាង អេលីត ចំរើន និង វ៉ាន់ វឿន ថាអ្នកទាំងពីរសុទ្ធតែល្អដូចគ្នា ពិបាកនឹងសន្និដ្ឋានណាស់។

សុធា បន្ថែមក្នុងបទសម្ភាសថា ចំពោះ វ៉ាន់ វឿន បើគេប្រើយុទ្ធសាស្រ្តវ៉ៃកៀក អាចមានឱកាសច្រើន តែបើសិនវ៉ៃវែង ចំរើន អាចនឹងមានឱកាសជាង វ៉ាន់ វឿន បន្ថែមលើសពីនេះបន្តិច សុធា ថាអ្នកទាំងពីរ ទោះអ្នកណាក្លាយជាម្ចាស់ខ្សែក្រវ៉ាត់ គឺសក្ដិសមទាំងពីរ៕ 

ចង់ដឹង សុធា និយាយអ្វីទៀត សូមទៅទស្សនាវីដេអូខាងក្រោមទាំងអស់គ្នា៖