ស៊ីលី៖ យោងតាមការសិក្សាថ្មីមួយបានបង្ហាញថា ក្រុមតារាវិទូអាចពិនិត្យមើលស្នូលរបស់ភពមួយ ជាលើកដំបូង។ ស្នូលនេះមានទំហំប្រហាក់ប្រហែលនឹងភពណិបទួន ហើយវាត្រូវបានគេរកឃើញ វិលជុំវិញផ្កាយស្រដៀងនឹងព្រះអាទិត្យ ដែលមានចម្ងាយ៧៣០ឆ្នាំពន្លឺ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមពិត ភពនេះស្ថិតនៅជិតផ្កាយរបស់វា ហើយវាអាចធ្វើដំណើរបានមួយជុំវិញផ្កាយរបស់វា ក្នុងរយៈពេល១៨ម៉ោងនៃផែនដី (បើប្រៀបធៀបទៅនឹងគន្លងផែនដី ៣៦៥ថ្ងៃជុំវិញព្រះអាទិត្យរបស់យើង)។ ចំណែកសីតុណ្ហភាពផ្ទៃស្នូលរបស់វាគឺ១៥២៦.៨៥អង្សាសេ។ ក្រុមតារាវិទូបានរកឃើញភពនេះ ដែលត្រូវបានគេហៅថា TOI 849 b ខណៈពេលកំពុងស្រាវជ្រាវតាមរយៈទិន្នន័យដែលប្រមូលបានពីផ្កាយរណបរបស់ណាសា Transiting Exoplanet Survey Satellite (TESS)។
ការវិលឆ្លងកាត់ផ្កាយគឺជាវិធីសាស្ត្រមួយ ដែលគេប្រើដើម្បីស្វែងរកភព នៅពេលដែលពន្លឺរបស់ផ្កាយមានអ្វីមកបាំងកាត់មុខ។ ក្រុមអ្នកស្រាវជ្រាវបានតាមដានបន្ថែម ដោយប្រើឧបរកណ៍ HARPS នៅមន្ទីរអង្កេតតារាសាស្ត្រ European Southern Observatory ក្នុងប្រទេសស៊ីលី។ ឧបករណ៍នេះអាចកំណត់ពីទំហំម៉ាស់របស់ភពនានា ដែលរកឃើញ៕