កីឡាករ Eden Hazard គឺអវត្តមានគួរឱ្យកត់សម្គាល់ក្នុងជម្រើស ២៤ នាក់របស់លោក Zinedine Zidane សម្រាប់ការប្រកួតនៅរាត្រីថ្ងៃព្រហស្បតិ៍នេះទល់នឹងក្រុម Getafe នៅកីឡដ្ឋាន Estadio Alfredo Di Stefano ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគ្រូបង្វឹកសញ្ជាតិបារាំងរូបនេះបានបញ្ជាក់យ៉ាងច្បាស់ក្នុងសន្និសីទកាសែតមុនការប្រកួតកាលពីថ្ងៃ ពុធថា Real Madrid ចាំបាច់ត្រូវអត់ធ្មត់ជាមួយនឹងទម្រង់លេងរបស់ Hazard ខណៈដែលគាត់ត្រូវតែទុកឱ្យពេញជើង ១០០% សិន បន្ទាប់ពីបានជាសះស្បើយពីការវះកាត់កជើង។
ដូចដែលបានរាយការណ៍ដោយកាសែត Marca ក្រុម Real Madrid កំពុងព្យាយាមការពារកីឡាករវ័យ ២៩ ឆ្នាំរូបនេះដែលជារឿយៗត្រូវបានរងរបួសកជើងរបស់គាត់។ ទន្ទឹមនឹងនេះដែរ Zidane បានជ្រើសរើសបញ្ចូលកីឡាករ Lucas Vazquez និង Luka Jovic ក្នុងក្រុមដោយពួកគេទាំងពីរបានជាពីរបួសរៀងៗខ្លួន។
ក្រុមរបស់ Real Madrid ដែលត្រូវតតាំងជាមួយ Getafe មានដូចខាងក្រោម៖
១. អ្នកចាំទី: Thibaut Courtois, Alphonse Areola, Diego Altube
២. ខ្សែការពារ៖ Dani Carvajal, Eder Militao, Sergio Ramos, Raphael Varane, Marcelo, Ferland Mendy
៣. ខ្សែបម្រើ៖ Toni Kroos, Luka Modric, Casemiro, Fede Valverde, James Rodriguez, Isco
៤. ខ្សែប្រយុទ្ធ: Karim Benzema, Gareth Bale, Lucas Vazquez, Luka Jovic, Marco Asensio, Brahim Diaz, Mariano Diaz, Vinicius Junior, Rodrygo Goes ។
ប្រភព៖ Marca