អង់គ្លេស៖ ក្លិប Liverpool កំពុងតែមានចំណាប់អារម្មណ៍ជាខ្លាំង ទៅលើកីឡាករ Victor Osimhen ដែលត្រូវបានគេចាត់ទុកថាជា Drogba ទី២របស់ក្លិប Lille នៅ Ligue 1 របស់បារាំង ហើយរូបគេក៏ជាមុខសញ្ញាដ៏ធំរបស់ក្លិបយក្ស៣ទៀតគឺ Real Madrid, Napoli និង Inter Milan ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង ប្រសិនបើក្លិបទាំងនោះចង់បានកីឡាករសញ្ជាតិនីហ្សេរីយ៉ាវ័យ២១ឆ្នាំរូបនេះទៅរួមក្រុម ទាល់តែហ៊ានចាយលុយឲ្យ Lille រហូតដល់ទៅ៨០លានអឺរ៉ូ (ឬ៩០លានដុល្លារ) ដោយ Osimhen នៅសល់កុងត្រាជាមួយក្លិបរហូតដល់ឆ្នាំ២០២៤ឯណោះ។
ដោយឡែក Liverpool នៅមាន ខ្សែប្រយុទ្ធកំពូលៗជាច្រើនដែរដូចជាកីឡាករ Mane, Firmino និង Salah ជាដើម។ ប៉ុន្តែបើសិនជាក្លិបមួយនេះចង់បាន ខ្សែប្រយុទ្ធសម្រាប់តែរកគ្រាប់បាល់នោះ វាជាជម្រើសដ៏ល្អបំផុតក្នុងការទិញយកកីឡាករ Victor Osimhen ។
គួរឲ្យដឹងដែរថា Osimhen ជាជើងស៊ុតមួយរូបរបស់ក្រុមឈុតធំ នីហ្សេរីយ៉ា ដោយរកបាន៤គ្រាប់ឲ្យជម្រើសជាតិ ក្នុងការបង្ហាញខ្លួនតែ៨ប្រកួតប៉ុណ្ណោះ។ យ៉ាងណាមិញនៅលីគកំពូលបារាំង Ligue 1 តារាឆ្នើម២១ឆ្នាំ រកបាន ១៨ គ្រាប់ក្នុងរដូវកាលនេះ គិតត្រឹមការបង្ហាញខ្លួនឲ្យ Lille ចំនួន៣៨ប្រកួត៕
ប្រភព៖ givemesport