បុតស្វាណា៖ ការស្លាប់របស់សត្វដំរីរាប់រយក្បាល នៅប្រទេសបុតស្វាណា ក្នុងរយៈពេលពីរខែនេះ គឺពិតជាអាថ៌កំបាំង ដែលមិនធ្លាប់មានពីមុនមក។ លោកដុកទ័រ Niall McCann បាននិយាយថា ក្រុមការងាររបស់លោកនៅតំបន់ប្រទេសអាហ្វ្រិកភាគខាងត្បូង បានប្រទះឃើញគ្រោងឆ្អឹងសត្វដំរីច្រើនជាង៣៥០ក្បាល នៅតំបន់ដីសណ្ដ Okavango ចាប់តាំងពីដើមខែឧសភា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមរដ្ឋាភិបាលរបស់ប្រទេសនេះបានឲ្យដឹងថា គ្មាននរណាម្នាក់ដឹងថា ហេតុអ្វីបានជាសត្វទាំងអស់នេះបានស្លាប់ ហើយចំណែកលទ្ធផលសំណាកនៅមិនទាន់ចេញនៅឡើយទេ។ ប្រទេសបុតស្វាណាគឺជាទីជម្រករបស់សត្វដំរីមួយភាគបី ដែលកំពុងថយចុះ។
ត្រឡប់ទៅខែឧសភា រដ្ឋាភិបាលរបស់ប្រទេសបុតស្វាណាបានច្រានចោលហេតុផលនៃការបរបាញ់ ពីព្រោះគេកត់សម្គាល់ថា ភ្លុកដំរីទាំងឡាយមិនត្រូវបានគេដកចេញទេ។ វាអាចមានរឿងផ្សេងទៀត ដែលមិនពាក់ព័ន្ធនឹងការប្រមាញ់។ ប៉ុន្តែក្រុមអ្នកជំនាញមិនអាចដឹងទេថា តើវាកើតឡើងដោយសារការបំពុលឬក៏ជំងឺ។
ទោះជាយ៉ាងណាក៏ដោយ ដោយមិនដឹងពីប្រភពច្បាស់លាស់ វាក៏មិនអាចសន្មត់បានទេថា រឿងនេះកើតឡើងដោយសារជំងឺ ដែលពាក់ព័ន្ធទៅនឹងមនុស្ស ជាពិសេសបុព្វហេតុស្ថិតនៅក្នុងប្រភពទឹកឬដី។ លោកដុកទ័រ McCann បានចង្អុលបង្ហាញថា ជំងឺរាតត្បាតសកលកូវីដ-១៩ ត្រូវបានគេជឿថា បានចាប់ផ្ដើមចម្លងទៅពពួកសត្វ។ យ៉ាងណាក៏ដោយ ពួកគាត់នៅមិនទាន់ដឹងច្បាស់ ពីមូលហេតុនៃការស្លាប់របស់ពពួកសត្វដំរីទាំងនោះទេ៕