ឥណ្ឌាហាមឃាត់ក្រុមហ៊ុនចិន​លើគម្រោងស្ថាបនាផ្លូវថ្នល់ ​ខណៈភាពតានតឹងកាន់តែកើនឡើងជុំវិញបញ្ហាជម្លោះព្រំដែន

ញូដេលី៖ រដ្ឋមន្រ្តីក្រសួងដឹកជញ្ជូន​​ឥណ្ឌាបានប្រកាសថា ដរាបណារដ្ឋធានីញូវដេលី និងទីក្រុងប៉េកាំង តែមានជម្លោះជុំវិញ​បញ្ហាទឹកដី ​​ក្រុមហ៊ុនចិនទាំងអស់​នឹងមិនត្រូវបាន​អនុញ្ញាតឱ្យអភិវឌ្ឍផ្លូវថ្នល់ និងផ្លូវហាយវ៉េ នៅក្នុងប្រទេសឥណ្ឌានោះទេ។

លោក Nitin Gadkari បានប្រាប់ប្រព័ន្ធផ្សព្វផ្សាយក្នុងស្រុកកាលពីថ្ងៃពុធម្សិលមិញនេះថា៖

បទប្បញ្ញត្តិថ្មីនេះនឹងមិនមានផលប៉ះពាល់ភ្លាមៗ ទៅដល់ក្រុមហ៊ុនចិនមួយចំនួនតូច ដែលកំពុងស្ថាបនា​​ផ្លូវថ្នល់នៅក្នុងប្រទេស​ឥណ្ឌាទេ។ ប៉ុន្តែបើទោះបីជាយ៉ាងណាក្តី លោក Gadkari បាន​ធ្វើការសង្កត់ធ្ងន់ថា ច្បាប់នេះគឺនឹងរារាំង​ក្រុមហ៊ុមចិនទាំងអស់​ មិនចូលរួមឱ្យប្រកួតប្រជែងនៅក្នុងការដេញថ្លៃនាពេលអនាគត។ ហើយវាក៏​ជាឱកាស សម្រាប់ក្រុមហ៊ុនឥណ្ឌាជាច្រើនទៀត អាចធ្វើការដេញថ្លៃលើគម្រោងហេដ្ឋារចនាសម្ព័ន្ធធំៗនៅក្នុងប្រទេសដែរ។

គួរជម្រាបផងដែរថា ​ការប្រកាសច្បាប់ថ្មីនេះ ត្រូវបានធ្វើឡើង​ក្រោយប៉ុន្មានថ្ងៃប៉ុណ្ណោះ បន្ទាប់ពី​រដ្ឋាភិបាលឥណ្ឌា បាន​សម្រេចបិទកម្មវិធីល្បីៗរបស់ចិនចំនួន ៥៩ រួមបញ្ចូលទាំងកម្មវិធី TikTok ដោយអះអាងថា ពួកវាអាចបង្កការគំរាមកំហែងដល់សន្តិសុខជាតិ៕