ភ្នំពេញ៖ អតីតតារាសម្តែង និងបង្ហាញម៉ូតប្រចាំប្រទេសកម្ពុជា លោក ជុំ ស៊ីថា ដែលធ្លាប់មានប្រជាប្រិយភាព និងការគាំទ្រពីទស្សនិកជនគ្រប់មជ្ឈដ្ឋាននោះ នាប៉ុន្មានឆ្នាំចុងក្រោយនេះបានផ្លាស់ប្តូរអាជីពពីអ្នកសិល្បៈទៅធ្វើជាមន្ត្រីនគរបាលយ៉ាងសង្ហាវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើទោះបីជាលោក ជុំ ស៊ីថា ផ្តាច់ខ្លួនចេញពីសិល្បៈក៏ពិតមែន ប៉ុន្តែកេរ្តិ៍ឈ្មោះ និងស្នាដៃរបស់លោកនៅតែដិតដាមសម្រាប់អ្នកគាំទ្ររូបលោកគ្រប់ៗគ្នា។
យ៉ាងណាមិញ កាលពីម្សិលមិញនេះពិតជាមានការភ្ញាក់ផ្អើលយ៉ាងខ្លាំង ក្រោយពេលដែលលោកបានបង្ហោះនូវរូបថតជាច្រើនសន្លឹក អមជាមួយខ្លឹមសារថា “រឿងមិននឹកស្មានដល់ កូនមួយមើលចង់ស្ត្រេសម្តងៗ ព្រឹកមិញអេកូឃើញកូនភ្លោះ៣ សប្បាយចិត្តខ្លាំងណាស់ តែអាណិតប្រពន្ធគាត់មានមាឌតូចមិនដឹងពិបាកយ៉ាងណាទេ។ ទារកក្នុងផ្ទៃបាន ១០អាទិត្យនិង០៣ថ្ងៃហើយ សង្ឃឹមថាប្រុសទាំងអស់ទៅចុះ”។
នៅក្នុងនោះផងដែរ ក៏ឃើញមានអ្នកសិល្បៈជាច្រើនចូលរួមអបអរសាទរតាមរយៈការខមមិននៅលើរូបភាព ខណៈដែលលោក ជុំ ស៊ីថា កំពុងតែសប្បាយរីករាយនឹងកាដូដ៏មានតម្លៃមួយនេះ៕
សូមទស្សនារូបភាពខាងក្រោម៖