សម័យកូរ៉ូណា! និស្សិតស្រីម្នាក់នេះ ចងមុងក្នុងចម្ការកៅស៊ូដើម្បីរៀន ដោយសារតែសាវាអុីនធឺណេត

ម៉ាឡេសុី៖ ដូចដែលប្រិយមិត្តអ្នកបានជ្រាបហើយថា ចាប់តាំងពីផ្ទុះឡើងនៃជំងឺកូវីដ-១៩មក នៅតាមបណ្ដាសាលារៀននានាត្រូវបានផ្អាកបណ្ដោះអាសន្ន ដើម្បីទប់ស្កាត់ការរីករាលដាលជំងឺនេះ។ ទន្ទឹមនឹងនេះដែរ ខាងសាលារៀន បានផ្ដល់នូវភាពងាយស្រួលដល់សិស្សទាំងអស់ ដោយការសិក្សាតាមរយៈប្រព័ន្ធអនឡាញផងដែរ។

យ៉ាងណាមិញ ការសិក្សាតាមរយៈប្រព័ន្ធអនឡាញ មិនបានផ្ដល់ភាពងាយស្រួលដល់សិស្សទាំងអស់ឡើយ ដោយមានសិស្សមួយចំនួនតូច ដែលរស់នៅតាមតំបន់ដាច់ស្រយាល ជួបប្រទះនូវបញ្ហាសេវាអុីនធឺណេតមានភាពរអាក់រអួលជាដើម។

ជាក់ស្ដែង និស្សិតស្រីថ្នាក់បរិញ្ញាបត្រម្នាក់កំពុងសិក្សាឆ្នាំទី៤ មានគណនីហ្វេសប៊ុកឈ្មោះថា Rose ED មកពីភូមិមួយក្នុងរដ្ឋ Sarawak បានសម្រេចចិត្តចូលទៅក្នុងចម្ការកៅស៊ូ ដើម្បីចងមុងអង្គុយរៀន ដោយសារតែសេវាអុីនធឺណេតនៅផ្ទះរបស់នាងមិនដំណើរការល្អ ទាំងដែលនាងត្រូវចាំបាច់បំពេញកិច្ចការដ៏សំខាន់របស់សាលា។

ទន្ទឹមនឹងនេះ នាងបានរៀបរាប់ឲ្យដឹងថា សេវាអុីនធឺណេតក្នុងភូមិដែលនាងរស់នៅមានភាពរអាក់រអួល ហើយទីកន្លែងដែលសេវាអុីនធឺណេតល្អ គឺនៅក្នុងចម្ការកៅស៊ូ និងលើភ្នំ។ ចំពោះការចងមុងក្នុងចម្ការកៅស៊ូដើម្បីរៀននេះ គឺធ្វើឡើងសឹងជារៀងរាល់ថ្ងៃ ដោយលើកលែងតែថ្ងៃអង្គារ និងថ្ងៃអាទិត្យប៉ុណ្ណោះ៕

សូមទស្សនារូបភាពខាងក្រោម៖