ថៃ៖ យោងតាមសារព័ត៌មានមួយរបស់ថៃបានឲ្យដឹងថា ប្រទេសថៃបានកា្លយជាប្រទេសតែមួយគត់ និងដំបូងគេបង្អស់នៅក្នុងតំបន់អាស៊ាន ដែលត្រូវបានអនុញ្ញាតឲ្យមានជើងហោះហើរចូលសហភាពអឺរ៉ុបឡើងវិញ ក្រោយខកខានមួយរយៈធំដោយសារវិបត្ដិកូវីដ-១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពីថ្ងៃទី៣០ ខែមិថុនា ឆ្នាំ២០២០ សហភាពអឺរ៉ុបបានដាក់បញ្ជូលប្រទេសថៃក្នុងចំណោមប្រទេសចំនួន ១៤ ដែលត្រូវបានគេចាត់ទុកថាជាប្រទេសមានសុវត្ថិភាព។ ប្រទេសទាំង ១៣ផ្សេងទៀតរួមមាន ប្រទេសអាល់ហ្សេរី អូស្ត្រាលី កាណាដា ចចជី ជប៉ុន ម៉ុងតេណេក្រូ ម៉ារ៉ុក នូវែលសេឡង់ រ៉្វាន់ដា ស៊ែប៊ី កូរ៉េខាងត្បូង ទុយនីសុី និងអ៊ុយរុយគ្វេ។ ខណៈប្រទេសចិន និងសហរដ្ឋអាមេរិក មិនទាន់អនុញ្ញាតនៅឡើយទេ។
គួររម្លឹកថា នៅដើមខែមករាប្រទេសថៃបានក្លាយជាប្រទេសដំបូងគេ បន្ទាប់ពីប្រទេសចិនដែលបានរាយការណ៍ពីករណីឆ្លងកូវីដ-១៩។ ហើយមកទល់បច្ចុប្បន្ន ប្រទេសដែលមានព្រំប្រទល់ជាប់នឹងកម្ពុជាមួយនេះ មានករណីឆ្លងសរុបចំនួន ៣,១៧១នាក់ ស្លាប់ចំនួន ៥៨នាក់ និងមិនមានករណីឆ្លងក្នុងស្រុកអស់រយៈពេលជាង១ខែមកហើយ៕