ចែកគ្នា​ដឹង! រឿងគួរធ្វើ និងមិនគួរធ្វើពេលរលាកភ្លើង ឬទឹកក្ដៅ

//s5.kh1.co/17/17a067b59cea93af65fce527af0999fa7b6c57a3.jpg
នារី

 ០១-កក្កដា-២០២០ ៩ព្រឹក · ៤ ឆ្នាំមុន

ការ​រលាក​ភ្លើង ឬ​ទឹកក្ដៅ​គឺ​តែង​ចៀស​មិន​ផុត​ទេ ប៉ុន្តែ​ក្នុង​ករណី​រលាក​ស្រាល​យើង​អាច​អនុវត្ត​វិធី​ងាយៗ​ដើម្បី​ជួយ​បន្ថយ​ការ​ឈឺចាប់ បង្ការ​ការ​ឆ្លង​មេរោគ និង​ជួយ​ឲ្យ​ឆាប់​ជាបាន​។

ការ​រលាក​ភ្លើង ឬ​ទឹកក្ដៅ​គឺ​តែង​ចៀស​មិន​ផុត​ទេ ប៉ុន្តែ​ក្នុង​ករណី​រលាក​ស្រាល​យើង​អាច​អនុវត្ត​វិធី​ងាយៗ​ដើម្បី​ជួយ​បន្ថយ​ការ​ឈឺចាប់ បង្ការ​ការ​ឆ្លង​មេរោគ និង​ជួយ​ឲ្យ​ឆាប់​ជាបាន​។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

វិធី​គួរ​ធ្វើ​ពេល​រលាក​ភ្លើង ឬ​ទឹកក្ដៅ

១. ទឹក​

អ្វី​ដែល​ត្រូវ​ធ្វើ​ដំបូង​គេ​នៅ​ពេល​រលាក​ភ្លើង ឬ​ទឹកក្ដៅ​គឺ​បង្ហូរ​ទឹក​ក្បាល​រ៉ូប៊ីណេ​ទៅ​លើ​កន្លែង​រលាក​ប្រហែល​២០​នាទី។

២. បន្ទះ​ត្រជាក់

ការ​យក​បន្ទះ​ត្រជាក់ ឬ​កន្សែង​សើម​មក​ដាក់​ពី​លើ​កន្លែង​រលាក​ជួយ​បន្ថយ​ការឈឺចាប់ និង​ការ​ហើម​បាន។ យើង​អាច​ប្រើ​បន្ទះ​ត្រជាក់ ឬ​កន្សែង​សើម​នេះ​ពី​៥ទៅ១៥នាទី។ យក​ល្អ​គ្នាយើង​កុំ​ប្រើ​បន្ទះ​ត្រជាក់​យូរ​ពេក​ព្រោះ​អាច​ធ្វើ​ឲ្យ​កន្លែង​រលាក​កាន់តែ​រលាក។

៣. ប្រទាល​កន្ទុយក្រពើ

ការ​សិក្សា​ជា​ច្រើន​បាន​បង្ហាញ​ថា​ប្រទាល​កន្ទុយ​ក្រពើ​មាន​ប្រសិទ្ធភាព​ក្នុង​ព្យាបាល​ការ​រលាក​កម្រិត​ទី១ និង​ទី២។ ម៉្យាងទៀត ប្រទាល​កន្ទុយ​ក្រពើ​ក៏​ប្រឆាំង​នឹង​ការ​រលាក ជួយ​ដល់​ចរន្តឈាម និង​រារាំង​ការ​លូតលាស់​របស់​បាក់តេរី។ យើង​អាច​លាប​​ជែល​ប្រទាល​កន្ទុយក្រពើ​ស្រស់​ទៅ​លើ​កន្លែង​រលាក។

៤. ទឹកឃ្មុំ

ទឹក​ឃ្មុំ​អាច​ជួយ​ព្យាបាល​ការ​រលាក​តិចតួច​ព្រោះ​ទឹកឃ្មុំ​ជា​សារធាតុ​ប្រឆាំង​ការ​រលាក បាក់តេរី និង​ផ្សិត។ យើង​ក៏​យក​ទឹកឃ្មុំ​មក​លាប​នៅ​កន្លែង​រលាក​បាន។

៥. កាត់បន្ថយ​ការ​ត្រូវ​កម្ដៅ​ថ្ងៃ

យក​ល្អ​គួរ​កុំ​ឲ្យ​កន្លែង​រលាក​ត្រូវ​កម្ដៅ​ថ្ងៃ​ព្រោះ​ស្បែក​ដែល​រលាក​ងាយ​ប្រតិកម្ម​នឹង​កម្ដៅ​ថ្ងៃ។

៦. កុំ​ជោះ​បំបែក​ពង​ទឹក

ការ​ជោះ​បំបែក​ពង​ទឹក​ដោយ​ខ្លួន​ឯង​អាច​បង្ក​ឲ្យ​ឆ្លង​មេរោគ។ ប្រសិនជា​គ្នាយើង​បារម្ភ​ពី​ពងទឹក​ដែល​បង្ក​ដោយ​ការ​រលាក​អាច​ទៅ​ពិគ្រោះ​ជាមួយ​គ្រូពេទ្យ។

វិធី​គួរ​ចៀសវាង​ពេល​រលាក​ភ្លើង ឬ​ទឹកក្ដៅ

១. បឺរ

កុំ​ប្រើ​បឺរ​នៅ​ពេល​រលាក​ព្រោះ​អាច​កាន់តែ​ធ្វើ​ឲ្យ​កន្លែង​រលាក​កាន់តែ​ធ្ងន់ធ្ងរ។ បឺរ​អាច​ផ្ទុក​កម្ដៅ និង​អាច​មាន​បាក់តេរី​នៅ​កន្លែង​រលាក។

២. ប្រេងដូង

ប្រេង​ដូង​មិន​អាច​ប្រើ​ព្យាបាល​ពេល​រលាកទេ​ព្រោះ​ប្រេង​ដូង​ដូច​នឹង​បឺរ​គឺ​ផ្ទុក​កម្ដៅ​ និង​ធ្វើ​ឲ្យ​ស្បែក​បន្ត​រលាក​ទៀត។

៣. ស៊ុត​ពណ៌​ស

ស៊ុត​ពណ៌​ស​អាច​មាន​ផ្ទុក​បាក់តេរី​ដែល​អាច​ចម្លង​មេរោគ និង​មិន​គួរ​យក​ប្រើ​លើ​កន្លែង​រលាក​ទេ។

៤. ថ្នាំ​ដុស​ធ្មេញ

នៅ​ពេល​រលាក​មិន​គួរ​លាប​ថ្នាំដុសធ្មេញទេ។ ថ្នាំ​ដុស​ធ្មេញ​អាច​ធ្វើ​ឲ្យ​កន្លែង​រលាក​កាន់តែ​រលាក និង​បង្ក​រោគ​ផ្សេងៗ។

៥. ទឹកកក

ទឹកកក និង​ទឹក​ក្លាសេ​អាច​ធ្វើ​ឲ្យ​កាន់តែ​រលាក។ ទឹកកក​អាច​នឹង​បង្ក​ការ​រលាក​ដោយ​ភាព​ត្រជាក់​ប្រសិនជា​ប្រើប្រាស់​មិន​ត្រឹមត្រូវ។

ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕ 

អត្ថបទផ្ដល់សិទ្ធិដោយ Hello Krupet

Hello គ្រូពេទ្យ
Hello គ្រូពេទ្យ

អត្ថបទទាក់ទង

រក្សាសិទ្ធិ Mediaload
Powered by Bong I.T Bong I.T