អគ្គិភ័យឆាបឆេះគ្លីនិកមួយនៅអ៊ីរ៉ង់ បណ្តាលឱ្យមនុស្ស១៩នាក់ស្លាប់​បាត់បង់ជីវិត (មានវីដេអូ)

តេហេរ៉ង់៖ ទីភ្នាក់ងារសារព័ត៌មានផ្លូវការអ៊ីរ៉ង់ IRIB បានរាយការណ៍ថា មនុស្សយ៉ាងហោចណាស់ ១៩នាក់ត្រូវស្លាប់ និង ៦នាក់ផ្សេងទៀតរងរបួស ប​ន្ទាប់ពី​គ្រោះអគ្គិភ័យមួយ បានឆាបឆេះគ្លីនិក Sina Athar ​ស្ថិត​នៅភាគខាងជើង​រដ្ឋធានីតេហេរ៉ង់ កាលពីយប់ថ្ងៃអង្គារម្សិលមិញ​នេះ។

អាជ្ញាធរអ៊ីរ៉ង់បានឱ្យដឹងថា មូលហេតុដែលបណ្តាលឱ្យមានអគ្គិភ័យឆាបឆេះឡើង គឺដោយសារការលេចធ្លាយហ្គាស ហើយភាគច្រើននៃអ្នកស្លាប់ និងរងរបួស គឺសុទ្ធសឹងតែជាស្ត្រី។

គួរជម្រាបផងដែរថា ខណៈពេលគ្រោះអគ្គិភ័យកំពុងឆាបឆេះឡើង ក្រុមអ្នកពន្លត់អគ្គិភ័យរាប់សិបនាក់ ត្រូវបានគេបញ្ជូនទៅកន្លែងកើតហេតុ។​ ទន្ទឹមនឹងនេះ ​​អាជ្ញាធរក៏កំពុងមានការព្រួយបារម្មណ៍ថា ចំនួនអ្នកស្លាប់ក្នុងហេតុការណ៍អគ្គីភ័យនេះ អាចនឹងកើតឡើងបន្តទៀត៕

សូមទស្សនាវីដេអូខាងក្រោម៖