អីយ៉ាស់! ចិត្រា វិលមកវិញភ្លាមជួបអ្នកលេងរូបសង្ហាកូនសិស្សលោក អេ ភូថង ភ្លែត

ភ្នំពេញ៖ កីឡាករ ឡៅ ចិត្រា ក្រោយបាត់មុខពីសង្វៀនមួយរយះ សប្តាហ៍នេះរូបគេនឹងវិលត្រលប់មកវិញហើយ ដោយត្រូវប្រកួតដណ្តើមប្រាក់លានជាមួយ យ៉េន ឌីណា នៅលើសង្វៀនទូរទស្សន៍ស៊ីអិនស៊ី។ ចិត្រា បន្ទាប់ពីសម្រាកព្យាបាលដៃ ក្រោយរងរបួសក្នុងជំនួបជាមួយ កីឡាករ មឿន សុខហ៊ុច ដណ្តើមពានរង្វាន់លោកគ្រូម៉ាសេរី កាលពីចុងខែមេសា។

ចិត្រា និង​ ឌីណា សុទ្ធតែជាកីឡាកររឺងមាំ វាយចេញច្បាស់ៗហើយធ្ងន់ និងមានល្បិចក្នុងការប្រកួតរៀងៗខ្លួន ប៉ុន្តែគេមិនទាន់ហ៊ានសន្និដ្ឋានបានទៅលើសមត្ថភាពរបស់ ចិត្រា បាននៅឡើយទេ ព្រោះខកខានប្រកួតមួយរយៈ។ យ៉ាងណាក៏ដោយប្រិយមិត្តជាច្រើនចង់ឃើញការប្រកួតរបស់អ្នកទាំងពីរជាខ្លាំង និងចង់ដឹងថាការវិលត្រលប់ពីរបួសរបស់ ចិត្រា អាចនៅតែល្អដូចកាលពីមុនទេ៕

ប្រភព៖ CNC Boxing