ថៃ៖ អាចនិយាយបានថា បើទោះបីត្រូវពន្យារពេលរៀបការក៏ដោយ តែគូស្នេហ៍រវាងតារាប្រុសស្រី លោក Toon និង នាង Koi Rachwin នៅតែមានភាពផ្អែមល្ហែមនឹងគ្នា មិនឈប់ឈរ តាមរយៈការបង្ហាញខ្លួន នៅលើបណ្ដាញសង្គម ដែលធ្វើឲ្យហ្វេនកាន់តែលួចច្រណែននឹង គូស្នេហ៍មួយនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សម៉្យាងវិញទៀត ថ្មីៗនេះ គូស្នេហ៍ដ៏ផ្អែមល្អែមនេះ ត្រូវបានហ្វេនៗជាច្រើនធ្វើការតាមដានយ៉ាងកៀកកិត បន្ទាប់បានបង្ហាញខ្លួនជាមួយគ្នានៅក្នុងដំណើរកម្សាន្តទៅកាន់ឆ្នេរសមុទ្រ ហើយអ្វីដែលគួរចាប់អារម្មណ៍ជាងនេះនោះគឺ ដំណើរកម្សាន្តលើកនេះ ត្រូវបានហ្វេនៗដឹងថា គឺជាលើកទីមួយហើយដែល លោក Toon បើកឡាន ក្នុងរយៈពេលយ៉ាងយូរបំផុត ក្នុងរយៈពេល ១១ ម៉ោង ដើម្បីទៅ ភូកេត ជាមួយ Koi ផងដែរ ។
មិនត្រឹមតែប៉ុណ្ណោះ នៅក្នុងការកម្សាន្តលើកនេះ អ្នកទាំងពីរក៏បាន បង្ហាញពីភាពផ្អែមល្ហែម ក្នុងពេលញ៉ាំអាហារពេលល្ងាចជាមួយគ្នា ក្បែរសមុទ្រយ៉ាងរ៉ូមែនទិក។ លើសពីនេះទៀត មួយគូនេះ ថែមទាំងបាននាំគ្នាទៅជិះទូកកម្សាន្ដ មើលទេសភាពដ៏ស្រស់ស្អាត តាមសមុទ្រ ពោរពេញដោយស្នាមញញឹម យ៉ាងមានក្ដីសុខ ៕
សូមទស្សនារូបភាពខាងក្រោម៖