ថៃ៖ តារាសម្ដែងស្រីជើងចាស់ដ៏ល្បីឈ្មោះ Aff Takasorn និងអតីតស្វាមី លោក Songkarn បានចែកផ្លូវគ្នាប្រមាណពីរឆ្នាំហើយ បន្ទាប់ពីបានរួមរស់ជាមួយគ្នាអស់រយៈពេល៦ឆ្នាំ និងបង្កើតបានចំណងដៃកូនស្រីដ៏ស្រស់ស្អាតមួយរូប។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សថ្វីត្បិតតែមួយរយៈពេលចុងក្រោយនេះ លោក Songkarn ហាក់បីដូចជាបង្ហាញមុខគូស្នេហ៍ថ្មី Matt Piranee ជាសាធារណៈច្រើនជាងមុនក៏ដោយ ប៉ុន្តែលោក Songkarn នៅតែបំពេញតួនាទីជាឪពុកដ៏ល្អសម្រាប់កូនស្រីរបស់ខ្លួនដដែល តាមរយៈការនាំកូនស្រីទៅដើរកម្សាន្ត និងទិញសម្ភារៈប្រើប្រាស់ជាប្រចាំ។
ប៉ុន្តែអ្វីដែលគួរឲ្យចាប់អារម្មណ៍មួយទៀតនោះ អ្នកនាង Aff Takasorn និងលោក Songkarn នៅតែ Follow គណនី Instagram របស់គ្នាទៅវិញទៅមកដដែល ខុសប្លែកពីតារាខ្លះ ដែលគ្រាន់តែបែកគ្នាក្នុងនាមជាគូសង្សារសោះ ក៏ឈានទៅដល់ការ Unfollow គណនី Instagram របស់គ្នាបាត់ទៅហើយ។
នេះគឺជាគំរូល្អទៅដល់គូស្នេហ៍ដទៃ ដែលទោះបីជាចែកផ្លូវគ្នាក៏ដោយ ក៏មិនគួរហែកហួរ ឬស្អប់ខ្ពើមគ្នានោះទេ ហើយការនៅរក្សាចំណងមិត្តភាពជាមួយនឹងគ្នាដដែលបែបនេះ គឺជាជម្រើសដ៏ល្អបំផុត៕
សូមទស្សនារូបភាពខាងក្រោម៖
ប្រភព៖ TeeNee