ចិន៖ ទីភ្នាក់ងារសារព័ត៌មានអន្តរជាតិ BBC បានចុះផ្សាយថា ប្រទេសចិនគឺកំពុងត្រៀមបញ្ជូនគ្រូក្បាច់គុនចំនួន ២០នាក់ ទៅកាន់តំបន់ទីបេ ដើម្បីបង្ហាត់កងកម្លាំងយោធាចិន ដែលកំពុងឈរជើងនៅតាមតំបន់ព្រំដែនជម្លោះជាមួយប្រទេសឥណ្ឌា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ដោយឡែក សារព័ត៌មាន CCTV ក៏បានរាយការណ៍ដែរថា គ្រូក្បាច់គុន ២០នាក់ មកពីក្លឹប Enbo Fight Club គឺនឹងត្រូវបញ្ជូនទៅឈរជើងនៅទីក្រុង Lhasa នៃតំបន់ទីបេ។ ប៉ុន្តែទោះបីជាយ៉ាងក្តី ប្រព័ន្ធផ្សព្វផ្សាយចិនខាងលើនេះ មិនបានធ្វើការបញ្ជាក់ ថាតើគ្រូក្បាច់គុណទាំងនោះ គឺនឹងត្រូវទៅបណ្តុះបណ្តាលកងទ័ពនៅតាមព្រំដែនជាប់ប្រទេសឥណ្ឌា ឬយ៉ាងណានោះទេ។
គួរឱ្យដឹងផងដែរថា ដំណឹងនេះត្រូវបានប្រកាសឡើង ក្រោយមានការប៉ះទង្គិចគ្នាដោយប្រើដុំថ្ម និងដំបង រវាងកងទ័ពឥណ្ឌានិងចិន នៅឯតំបន់ព្រំដែនជម្លោះ Galwan កាលពីថ្ងៃទី១៥ ខែមិថុនា ដែលជាលទ្ធផលកងទ័ពនៃភាគីទាំងសងខាង ត្រូវស្លាប់និងរងរបួសជាច្រើននាក់។ ហើយដោយសារស្ថិតនៅក្រោមកិច្ចព្រមព្រៀង ឆ្នាំ១៩៩៦ កងទ័ពឥណ្ឌា និងចិន គឺមិនអាចប្រើប្រាស់កាំភ្លើង ឬអាវុធជាតិផ្ទុះ នៅក្នុងតំបន់ជម្លោះណាមួយបានឡើយ៕
Bong I.T