ថៃ៖ គឺជាគូស្នេហ៍ដ៏ផ្អែមល្ហែម និងពេញនិយមយ៉ាងខ្លាំង នៅក្នុងសិល្បៈកម្សាន្តរបស់ប្រទេសថៃ រវាង តារាប្រុសស្រី លោក Ter Chantavit និង នាង Mai Davikah ដែលហ្វេនៗជាច្រើនកំពុងតែទន្ទឹងរង់ចាំ ពីដំណឹងល្អរបស់អ្នកទាំងពីរ បន្ទាប់ពីបង្ហាញភាពផ្អែមល្ហែម មិនឈប់ឈរនៅលើបណ្ដាញសង្គម ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សម៉្យាងវិញទៀត ថ្មីៗនេះវិញ គូស្នេហ៍មួយនេះ រឹតតែធ្វើឲ្យមនុស្សជាច្រើន កាន់តែចាប់អារម្មណ៍ បន្ទាប់ពីអ្នកចាត់ការរបស់ តារាស្រី Mai Davikah បានបង្ហាញនូវឃ្លីបវីដេអូមួយ ដែលអ្នកទាំងពីរបានបណ្ដើរគ្នា នៅតាមផ្លូវសាធារណៈ ថែមទៀតផង។
មិនត្រឹមតែប៉ុណ្ណោះ នៅក្នុងនោះ Ter និង Mai បានដើរកៀកដៃគ្នា យ៉ាងស្អិតរមួត នៅលើផ្លូវសាធារណៈ យ៉ាងរ៉ូមែនទិក ដោយមិនខ្វល់ពីអ្វីទាំងអស់ ម៉្យាងវិញទៀត បើទោះជាអ្នកទាំងពីរ បានពាក់ម៉ាសបិទបាំងមុខមាត់ក៏ពិតមែន តែក៏នៅតែលេចចេញនូវស្នាមញញឹម យ៉ាងមានក្ដីសុខ ដែលធ្វើឲ្យហ្វេនៗ និងមនុស្សជាច្រើន កាន់តែច្រណែន ផងដែរ៕
សូមទស្សនារូបភាពខាងក្រោម៖