បើនិយាយពីការថតរូប អាចនិយាយបានថានរណាៗក៏ចេះថត និងអាចថតបានដែរ។ អ្នកខ្លះនិយាយ ថា លុះត្រាតែមានកាមេរ៉ាទំនើបៗទើបអាចថតរូបបានល្អ និងមានគុណភាព។ ប៉ុន្តែថ្ងៃនេះ សុំលើក យកវិធីថតរូបតាមទូរស័ព្ទ ដែលអាចថតបានរូបភាពស្អាត រូបភាពទាក់ទាញ និងប្រៀបបានដូចអ្នកជំនាញថតអ៊ីចឹង។

 វិធីងាយៗទាំង ៤ ខាងក្រោមនេះប្រាកដជាអាចជួយលោកអ្នកក្នុងការផ្តិតយករូបភាពតាមទូរស័ព្ទ លើសពីការរំពឹងទុក៖

វិធីទី១: ជូតសម្អាតត្រង់កញ្ចក់កាមេរ៉ា

ជាទូទៅ អ្នកទាំងអស់គ្នាតែងតែភ្លេចសម្អាតខាងមុខ Camera មុននឹងថត ជាហេតុធ្វើឲ្យរូបភាពមានលក្ខណៈស្រអាប់ ឬមិនសូវច្បាស់ល្អ។ ប្រសិនអ្នកមិនបានជូតសម្អាតកាមេរ៉ាជាមុន នោះរូបភាពល្អៗមិនងាយនឹងថតបាន ២ដងឡើយ។ ដើម្បីកុំឲ្យស្តាយក្រោយ អ្នកគម្បីគួរតែធ្វើការសម្អាតកាមេរ៉ា ឲ្យបានញឹកញាប់មុននឹងចាប់ផ្តើមថតរូប។

វិធីទី២: បើកមុខងារ Grid Line នៅលើកាមេរ៉ា

Grid Line គឺជាខ្សែបន្ទាត់ ផ្តេក២ និងបញ្ឈ២ រត់កាត់គ្នា ដែលជាទូទៅហៅថា ខ្សែបន្ទាត់ Rule Of Third។ ការដាក់ខ្សែបន្ទាត់បែបនេះ គឺដើម្បីងាយស្រួលក្នុងការមើលប្លង់ ដើម្បីកុំឲ្យផ្អៀង មិនត្រង់ មិនស្មើ និងងាយស្រួលក្នុងការដាក់ Subject ឲ្យបានត្រឹមត្រូវតាមក្បួនខ្នាតនៃប្លង់នីមួយៗផងដែរ។

វិធីទី៣: ការ Focus (ផ្តោតលើការថត)

នៅពេលដែលយើងចង់ថតសំដៅទៅអ្វីមួយ សូមកុំភ្លេចប្រើម្រាមដៃចុចឲ្យចំទីតាំង ឬមុខមនុស្សជាមុនសិនមុននឹងធ្វើការថត។ ការធ្វើបែបនេះគឺដើម្បីឲ្យរូបភាពមានសភាពច្បាស់ល្អ និងមិនព្រាល។  អ្វីដែលពិសេសនោះគឺ នៅពេលថតរូប អ្នកត្រូវលើកដាក់ទូរសព្ទ័  ឬទំលាក់ទូរសព្ទ័ឡើង ឬចុះក្រោម ផ្តេក ឬបពា្ឈរ ឆ្វេង ឬស្តាំ ដើម្បីសារ៉េប្លង់ដែលអ្នកចង់បាន ចង់ថត​ ពីព្រោះអ្នកដែលយើងចង់ថត មិនដឹង និងពិបាកសារ៉េតាមទូរស័ព្ទ ដើម្បីឲ្យរូបកាន់តែមានភាពស្រស់ស្អាតថែមមួយកម្រិតទៀត។

វិធីទី៤: វិធី Zoom

ការទាញវត្ថុមកជិត ដើម្បីធ្វើការថត វាមិនមែនជាការល្អប្រសើរ​ និងងាយស្រួលនោះទេ ព្រោះវាអាចធ្វើឲ្យប៉ះពាល់ដល់គុណភាពរូប ប៉ុន្តែនាពេលបច្ចុប្បន្ននេះ ក្រុមហ៊ុន SmartPhone មួយចំនួនបានបំពាក់នូវបច្ចេកវិទ្យាទំនើបៗដែលហៅថា Digital Zoom ក្នុងមុខងារកាមេរ៉ារបស់ខ្លួន ដែលអាចរក្សាគុណភាព Zoom 5x រហូតដល់ 10x Zoom បានយ៉ាងល្អប្រសើរ៕

នេះជាមុខងារ Grid Line ដែលងាយស្រួលក្នុងការកំណត់នូវគម្លាតសងខាងស្មើគ្នា
នេះជាមុខងារ focus លោកអ្នកអាចយកម្រាមដៃចុចនៅលើអេក្រង់បាន ដើម្បីឲ្យរូបមនុស្ស ឬវត្ថុផ្សេងៗច្បាស់

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ