ឥណ្ឌា៖ ប្រទេសឥណ្ឌាបានបើកមន្ទីរពេទ្យធំជាងគេមួយ នៅលើពិភពលោក ដើម្បីជួយប្រយុទ្ធប្រឆាំងនឹងវីរុសកូរ៉ូណា ខណៈមន្ត្រីសុខាភិបាលបានប្រកាសពីការកើនឡើងចំនួនអ្នកឆ្លងថ្មីយ៉ាងច្រើន ក្នុងរយៈពេលមួយថ្ងៃរបស់ប្រទេសនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមជ្ឈមណ្ឌលថែទាំ The Sardar Patel COVID Care Centre ដែលជាកន្លែងធំបំផុតនៅក្នុងប្រទេសឥណ្ឌា បានបើកដំណើរការមួយផ្នែកកាលពីថ្ងៃអាទិត្យ ដោយបានប្រើប្រាស់គ្រែចំនួន២,០០០ ក្នុងចំណោម១០,០០០គ្រែរបស់ខ្លួន នេះបើយោងតាមរដ្ឋាភិបាលក្រុងដេលី។ គ្រែចំនួន៨,០០០ដែលនៅសល់ នៅឯមណ្ឌលនេះដែលមានទីតាំងនៅតំបន់ Chattarpur នៃទីក្រុងដេលី នឹងត្រូវបើកចាប់ពីថ្ងៃពុធនេះតទៅ។
ការបើកមន្ទីរពេទ្យនេះ កើតឡើងស្របពេលនឹងការចេញផ្សាយទិន្នន័យរបស់ក្រសួងសុខាភិបាលឥណ្ឌា កាលពីថ្ងៃអាទិត្យ ដែលបានប្រកាសថា មានការកើនឡើងដ៏ធំបំផុតនៅក្នុងចំណោមករណីឆ្លងថ្មីប្រចាំថ្ងៃ នៃជំងឺកូវីដ-១៩។
ប្រទេសនេះបានរាយការណ៍ថា មានអ្នកឆ្លងថ្មីចំនួន១៩,៩០៦នាក់ និងអ្នកស្លាប់ថ្មី៤១០នាក់ ដោយសារវីរុសនេះ ដែលនាំឲ្យមានករណីឆ្លងនៅទូទាំងប្រទេសកើនដល់៥២៨,៨៥៩នាក់ និងអ្នកស្លាប់១៦,០៩៥នាក់។ ដេលីបានក្លាយជាទីក្រុងដែលរងគ្រោះខ្លាំងជាងគេបំផុត របស់ប្រទេសឥណ្ឌាកាលពីថ្ងៃពុធ ដោយកើនលើចំនួនករណីនៅទីក្រុងបុមបៃ៕