ថៃ៖ តារាសម្ដែងស្រីជើងចាស់វ័យ៤៣ឆ្នាំ Anne Thongprasum ដែលមានឈ្មោះល្បីល្បាញក្នុងវិស័យសិល្បៈថៃតាំងពីយូរណាស់មកហើយ បានត្រៀមលេចមុខក្នុងរឿងភាគថ្មី ក្រោយពេលបាត់មុខអស់ជាច្រើនឆ្នាំ ដោយរវល់តែក្នុងការងារជាអ្នកផលិតខ្សែភាពយន្តភាគ។ អ្វីដែលសំខាន់ សម្រាប់រឿងភាគថ្មីនេះ Anne នឹងត្រូវសម្ដែងជាមួយតារាប្រុស ដែលមានវ័យក្មេងជាងខ្លួនឡើង១០ ឆ្នាំជាង នោះគឺ តារាប្រុសរូបសង្ហា Jame Jirayu។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែភាពយន្តភាគថ្មីនេះ មានចំណងជើងថា Karat Ruk ជាប្រភេទរឿងបែបស្នេហាខុសជំនាន់ ប៉ុន្តែគេមិនទាន់ដឹងច្បាស់ថា សាច់រឿងនឹងទៅជាបែបណានោះទេ ដោយសារវាជារឿងថ្មីសន្លាងតែម្ដង។
ការជួបគ្នារវាងតារាស្រី-ប្រុស ខុសជំនាន់មួយគូនេះ បានធ្វើឲ្យអ្នកគាំទ្រភ្ញាក់ផ្អើលយ៉ាងខ្លាំង។ ប៉ុន្តែអ្វីដែលអ្នកគាំទ្រអត់ទ្រាំមិនសរសើរមិនបាន គឺសម្រស់របស់ Anne Thongprasum មិនថាតែមាន វ័យជ្រេយ៉ាងណាក៏ដោយ ក៏នៅតែរក្សាបានសម្រស់ស្រស់សោភា មិនចាញ់តារាស្រីវ័យក្មេងប៉ុន្មានឡើយ ជាហេតុធ្វើឲ្យអ្នកនាង Anne នៅតែមើលទៅសក្តិសមក្នុងការចាប់ដៃគូជាមួយ Jame Jirayu៕
សូមទស្សនារូបភាពខាងក្រោម៖