ឱក សុគន្ធបញ្ញា បញ្ចេញអារម្មណ៍ពិត ក្រោយពេលមានកូនមួយ

ភ្នំពេញ៖ តារាចម្រៀងដ៏ល្បីឈ្មោះប្រចាំផលិតកម្មរស្មីហង្សមាស អ្នកនាង ឱក សុគន្ធកញ្ញា ត្រូវបានគេចាត់ទុកថាជាតារាស្រីមួយរូប ដែលកំពុងទទួលបានជោគជ័យទាំងលើវិស័យសិល្បៈ និងជីវិត ក្រោយពេលដែលអ្នកនាងបានរៀបអាពាហ៍ពិពាហ៍ជាមួយ លោក អ៊ឹង សុខលី និងបង្កើតបានចំណងដៃកូនប្រុសដ៏គួរឲ្យស្រឡាញ់ម្នាក់។

បច្ចុប្បន្ន អ្នកនាងនៅតែទទួលបានឱកាសការងារក្នុងវិស័យសិល្បៈ មិនថាតែការចេញបទចម្រៀងថ្មី ការឡើងឆាកប្រគំតន្រ្តី និងការធ្វើជាអ្នកតំណាងឲ្យក្រុមហ៊ុនធំៗជាច្រើន។

អ្វីដែលកាន់តែគួរឲ្យចាប់អារម្មណ៍ទៀតនោះ អ្នកនាង និងស្វាមី បាននាំកូនប្រុសដ៏គួរឲ្យស្រឡាញ់របស់ខ្លួនទៅដើរកម្សាន្តយ៉ាងមានសេចក្តីសុខ ហើយឆ្លៀតបង្ហោះសារបង្ហាញពីអារម្មណ៍ក្រោយពេលមានកូនមួយ បែបនេះថា៖ "បើដឹងថាមានកូនសប្បាយ យកគ្រួសារតាំងពីក្មេង!"

មិនត្រឹមតែប៉ុណ្ណោះ អ្នកនាងក៏ត្រៀមនឹងចេញវីដេអូបែប Vlog អំពីដំណើរកម្សាន្តរបស់អ្នកនាង ជាមួយនឹងស្វាមី និងកូនប្រុសផងដែរ៕

សូមទស្សនារូបភាពខាងក្រោម៖