មិនប្លែកមិនហៅChompoo ទេ! ខួបកំណើតឆ្នាំនេះ លេងខ្លួនមួយចាស់ដៃ

ថៃ៖ ជាការពិតណាស់ តារាសម្ដែង Chompoo Araya សម្រាប់ការលេងម៉ូតសម្លៀកបំពាក់ អ្នកណាក៏ដឹងដែរថា នាងមិនដែលឲ្យហ្វេនៗសាំភ្នែកនោះទេ ពោលគឺនាងតែងតែលេងខ្លួនហាយសូ ប្រើរបស់ថ្លៃៗទាន់សម័យ មិនថាសម្លៀកបំពាក់បែបណា ក៏នាងអាចស្លៀកបានស្រស់ស្អាតជានិច្ច។

ជាមួយគ្នានេះដែរ ប៉ុន្មានម៉ោងមុននេះ អ្នកម៉ាក់ដែលមានកូនភ្លោះពីរនាក់ រូបនេះ បានបញ្ចេញនូវរូបថតថ្មី សម្រាប់ត្រៀមអបអរក្នុងថ្ងៃខួបកំណើត ឈានចូលដល់វ័យ ៣៩ ឆ្នាំរបស់ខ្លួន ជាមួយម៉ូតសក់ខ្លីត្រឹម-ក រួមនឹងឈុតវែងពណ៌ស ទម្លាក់ស្មារ បង្អួតសម្រស់ពិតជាសាកសម ជាមួយកូនទាំងពីរ ពោរពេញដោយស្នាមញញឹម។

យ៉ាងណាមិញ ថ្ងៃនេះផ្ទាល់តែម្ដង ជាថ្ងៃខួបកំណើតរបស់ Chompoo ពិតមែន ប៉ុន្តែយើងនៅមិនទាន់ឃើញ មានការធ្វើពិធីជប់លៀងធំដុំដូចរាល់ឆ្នាំ ពីតារារូបនេះនៅឡើយទេ គឺនាងបង្ហាញត្រឹមរូបភាពខ្លះៗប៉ុណ្ណោះ តែក្នុងនោះយើងក៏ឃើញមានហ្វេនៗ ក៏ដូចជា មិត្តរួមអាជីពជាច្រើនដូចជា Aff Taksaorn Sririta Ploy Duearisara Woonsen រួមនឹងអ្នកសិល្បៈជាច្រើនទៀត បាននាំគ្នា ពោលពាក្យជូនពរជាច្រើនផងដែរ៕

ទស្សនារូបភាពខាងក្រោម៖