មីយ៉ាន់ម៉ា៖ ប្រធានផ្នែកអប់រំមួយក្រុមបាននិយាយថា ការបើកសាលាឯកជនឡើងវិញនៅប្រទេស មីយ៉ាន់ម៉ានឹងត្រូវសម្រេចដោយគណៈកម្មាធិការក្រុងទទួលបន្ទុកការការពារ និងទប់ស្កាត់ជំងឺ COVID-១៩ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក U Twal ប្រធានសហព័ន្ធគ្រូបង្រៀនឯកជនមីយ៉ាន់ម៉ាបាននិយាយថា បទប្បញ្ញត្តិនេះត្រូវបាន ព្រមព្រៀងគ្នានៅឯកិច្ចប្រជុំជាមួយនឹងសភាគណៈកម្មាធិការលើកកម្ពស់ការអប់រំ។
លោក U Aung Phyo Thu ដែលជាស្ថាបនិកសាលាឯកជន Yar Pyae នៅទីក្រុង Pyinmana ក្នុងតំបន់ Nay Pyi Taw ថា“ យើងបានត្រៀមខ្លួនរួចជាស្រេចដើម្បីគោរពតាមគោលការណ៍គម្លាតសង្គម។ ប្រសិនបើ សាលារបស់យើងមិនត្រូវបានអនុញ្ញាតឱ្យបើកឡើងវិញទេនោះវាអាចបណ្តាលឱ្យមានសិស្សតិចជាងមុនដែលឆ្លងកាត់ការប្រលងបញ្ចប់ការសិក្សា ជាពិសេសសិស្សមកពីគ្រួសារដែលមានចំណូលទាប”។
សាលាឯកជននៅទីក្រុង Pantanaw ក្នុងតំបន់ Ayeyarwady ត្រូវបានអនុញ្ញាតិឱ្យបើកដំណើរការឡើងវិញ ដោយគណៈកម្មាធិការក្រុងទទួលបន្ទុកការការពារ និងទប់ស្កាត់ជំងឺ COVID-១៩ របស់ទីក្រុងនេះ ប៉ុន្តែសាលាឯកជននៅ Pyinmana នៅតែរង់ចាំការសម្រេចរបស់គណៈកម្មាធិការក្រុងរបស់ពួកគេ។
លោក U Nay Win Khaing ប្រធានសហព័ន្ធគ្រូបង្រៀនមីយ៉ាន់ម៉ាប្រចាំនៅ Pyinmana បាននិយាយថា ប្រសិនបើ Nay Pyi Taw បានបដិសេធសំណើរបស់សាលារៀនដើម្បីបើកឡើងវិញវាអាចនាំឱ្យមានការកើនឡើងនៃសាលារៀនក្រៅផ្លូវការ និងបញ្ហាហិរញ្ញវត្ថុសម្រាប់គ្រូ។
រដ្ឋាភិបាលបានកំណត់ការបើកសាលារៀនឡើងវិញនៅថ្ងៃទី ២១ ខែកក្កដា ដោយចាប់ផ្តើមពី វិទ្យាល័យ ហើយបន្តមកសាលាបឋម និងមធ្យមសិក្សានៅពីរសប្តាហ៍បន្ទាប់មកទៀត។
ក្រសួងអប់រំមិនទាន់សម្រេចចិត្តលើការបើកសាកលវិទ្យាល័យឡើងវិញនៅឡើយទេ ព្រោះថា និស្សិតរបស់ពួកគេមកពីគ្រប់ទិសទីទូទាំងប្រទេស មិនដូចសាលាបឋមសិក្សានិងវិទ្យាល័យដែលអាចបង្កើន ហានិភ័យនៃការរីករាលដាលជំងឺ COVID-១៩ ៕
ប្រភព៖ The Myanmar Times