រីយ៉ូដឺចេណេរ៉ូ៖ ក្រសួងសុខាភិបាលប្រេស៊ីល បានរាយការណ៍កាលពីថ្ងៃសុក្រថា ប្រទេសប្រេស៊ីលបានរកឃើញអ្នកឆ្លងជំងឺកូវីដ១៩ថ្មី ចំនួន ៤៦,៨៦០នាក់ និងអ្នកស្លាប់ ៩៩០នាក់បន្ថែមទៀត។ នេះបើយោងតាមការផ្សាយរបស់ទីភ្នាក់ងារសារព័ត៌មាន Reuters។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបច្ចុប្បន្នជំងឺកូវីដ១៩បានបន្តឆក់យកជីវិតពលរដ្ឋប្រេស៊ីលអស់ជាង ៥ម៉ឺននាក់ ក្នុងចំណោមអ្នកឆ្លងជំងឺជាង ១លាននាក់។ ទន្ទឹមនឹងនេះ មានអ្នកជំនាញជាច្រើនជឿជាក់ថា ចំនួនករណីឆ្លងជំងឺក្នុងប្រទេសប្រេស៊ីល អាចនឹងកើនឡើងលើសសហរដ្ឋអាមេរិកនៅពេលឆាប់ៗខាងមុខ ហើយប្រេស៊ីលនឹងក្លាយជាប្រទេស ដែលរងការវាយប្រហារ ដោយសារជំងឺកាចសាហាវនេះខ្លាំងជាងគេបំផុត ក្នុងចំណោមប្រទេសទាំងអស់នៅលើពិភពលោក។
គួរជម្រាបផងដែរថា ដោយសារកង្វះការធ្វើតេស្ត និងការគោរពតាមវិធានការរក្សាគម្លាតឆ្ងាយពីសង្គម បានធ្វើឱ្យករណីឆ្លងជំងឺកូវីដ១៩នៅប្រទេសប្រេស៊ីល បន្តកើនឡើងយ៉ាងខ្លាំង។ ហើយស្របពេលដែលស្ថានភាពនៃជំងឺកាចសាហាវនេះ នៅមិនទាន់ធូរស្រាលផងនោះ រដ្ឋាភិបាលប្រេស៊ីល បានសម្រេចប្រកាសបន្ធូរបន្ថយវិធានការបិទទ្វារប្រទេស ក្នុងគោលបំណងស្តាសេដ្ឋកិច្ចជាតិឡើងវិញ៕