វិបត្ដិនៃមេរោគឆ្លងបានបណ្តាលឱ្យមានការធ្លាក់ចុះនៃការបំពុលសំខាន់ៗនៅទូទាំងពិភពលោក។ ក្រុមបរិស្ថាន​បាន​ស្វាគមន៍ការផ្លាស់ប្តូរនេះ។ ប៉ុន្តែអ្នកជំនាញខ្លះព្រមានថាការបំពុលបរិស្ថាន​ទំនងជា​ នឹងវិលត្រឡប់ទៅរកភាពដើមវិញ នៅពេលដែលវិបត្តិនោះវិលត្រលប់មកធម្មតាវិញ។ មេឃគឺស្រលះជាងមុន ហើយមាន​អាកាសធាតុល្អនៅទីក្រុង​ញូវយ៉ក ទីក្រុងប៉ារីស និងទីក្រុងប៉េកាំង។

នៅពេលដែលរដ្ឋាភិបាលបានបិទអាជីវកម្ម និងសាលារៀន​ ហើយបានចេញបទបញ្ជាអោយប្រជាពលរដ្ឋ​ស្នាក់នៅតែ​ផ្ទះ។ ទិន្នន័យផ្កាយរណបបង្ហាញថា អាសូតឌីអុកស៊ីតបានធ្លាក់ចុះប្រហែល​៣០ភាគរយនៅផ្នែកខ្លះ​នៃភាគឥសាន​នៅសហរដ្ឋអាមេរិក បើប្រៀបធៀបទៅនឹង៥ឆ្នាំមុន។ អាសូតឌីអុកស៊ីតគឺជាទម្រង់សំខាន់នៃការបំពុលខ្យល់។

New York
Parish
Beijing

វិបត្តិកូរ៉ូណាវីរុសបានជ:ឥទ្ធិពលដល់ក្រុមហ៊ុនថាមពលកកើតឡើងវិញផងដែរ។ BloombergNEF (BNEF) ដែលជាអង្គការស្រាវជ្រាវថាមពលថ្មីៗនេះបានទម្លាក់ការប៉ាន់ស្មានរបស់ខ្លួនសម្រាប់ឆ្នាំ ២០២០ សម្រាប់ការ​សាងសង់ថាមពលខ្យល់ថ្មីនៅទូទាំងពិភពលោកចំនួន ១២ ភាគរយ។ ការប៉ាន់ស្មានរបស់អង្គការនេះបង្ហាញថា សម្រាប់ថាមពលពន្លឺព្រះអាទិត្យត្រូវបានកាត់បន្ថយ ៨ ភាគរយ។

អ្នកនាងមីហ្សែលម៉ានីយូន ជាសេដ្ឋកិច្ចរវិទូនៅវិទ្យាស្ថានធនធានពិភពលោកដែលមានមូលដ្ឋាននៃសហរដ្ឋអាមេរិកថា នៅថ្ងៃចុងក្រោយនៅបូស្តុនរដ្ឋម៉ាសាឈូសេត ខ្លួនបានកត់សម្គាល់ថាខ្យល់ក្នុងទីក្រុងគឺបរិសុទ្ធហើយ នាងអាច​អាន​អក្សរនៅលើកំពូលនៃអគារព្រូដិនសលដែលជារចនាសម្ព័ន្ធទីក្រុងល្បី៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ