កប់ណាស់! សណ្ឋាគារស្រោបមាសដំបូងគេបង្អស់ក្នុងពិភពលោក បានបង្ហាញខ្លួននៅវៀតណាម ហើយបើចង់ស្នាក់នៅមួយយប់ត្រូវចំណាយ...

វៀតណាម៖ សណ្ឋាគារដ៏ប្រណិតមានពន្លឺភ្លឺរលោង បានបង្ហាញខ្លួនក្នុងប្រទេសវៀតណាម ក្នុងនាមជាសណ្ឋាគារស្រោបមាសដំបូងគេបង្អស់ក្នុងពិភពលោក។

សណ្ឋាគារនេះ មានកម្ពស់ចំនួន២៥ជាន់ ត្រូវបានសាងសង់នៅលើផ្ទៃដីចំនួន៥,០០០ម៉ែត្រការ៉េ ស្ថិតក្នុងសង្កាត់ Ba Dinh ទីក្រុងហាណូយ។ លក្ខណៈពិសេសនៃការរចនា ក៏ដូចជាគ្រឿងបរិក្ខារជាច្រើនដែលមានក្នុងសណ្ឋាគារនេះ គឺត្រូវបានគ្របដណ្ដប់ដោយសាច់មាសពិតប្រាកដតែម្ដង។ ចំណែកឯអាងងូតទឹក និងផ្ទៃដំបូលក៏ស្រោបពណ៌មាសផងដែរ។

ដោយឡែក បើយោងតាមប្រព័ន្ធផ្សព្វផ្សាយក្នុងស្រុកមួយបានឲ្យដឹងថា សម្រាប់តម្លៃស្នាក់នៅមួយយប់ក្នុងសណ្ឋាគារនេះ គឺចាប់ផ្ដើមពី២៥០ដុល្លារអាមេរិកឡើងទៅ រីឯអាផាតមិនវិញ ដាក់លក់ចាប់ពីតម្លៃ៦,៥០០ដុល្លារអាមេរិកឡើងទៅ សម្រាប់មួយម៉ែត្រការ៉េ។

គួរឲ្យដឹងដែរថា សណ្ឋាគារស្រោបមាសដំបូងគេនេះ គ្រោងនឹងបើកដំណើរការឲ្យទាន់ព្រឹត្ដិការណ៍ប្រណាំងរថយន្ដ Formula One ក្នុងទីក្រុងហាណូយនាខែមេសាមកម្ល៉េះ តែដោយសារជំងឺរាតត្បាតថ្មីកូវីដ-១៩ វាក៏ត្រូវបានគេពន្យារពេលសិន៕

សូមទស្សនារូបភាពនៃសណ្ឋាគារខាងក្រោម៖

• រូបភាព