នូវែលសេឡង់៖ មានទ្វីបមួយដែលអ្នកមិនធ្លាប់បានលឺពីមុនមក។ ទ្វីបមួយនេះត្រូវបានគេដាក់ឈ្មោះឲ្យថា Zealandia ហើយវាត្រូវបានគ្របដណ្ដប់ដោយ ទឹកសមុទ្រស្ទើរតែទាំងអស់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្បែរតំបន់នោះ ដីដែលផុសខ្ពស់ជាងទឹកសមុទ្របន្តិចនោះគឺជាប្រទេសនូវែលសេឡង់ ប៉ុន្តែដែនដីរបស់ប្រទេសនេះអាចនឹងមានទំហំកាន់តែធំ នៅក្នុងផែនទី ប្រសិនបើទ្វីបដែលបាត់បង់ក្នុងទឹកសមុទ្រ នៅតែរក្សាបានរហូតមកដល់សព្វថ្ងៃនេះ។
ក្រុមអ្នកស្រាវជ្រាវមកពីវិទ្យាស្ថាន GNS Science របស់ប្រទេសនូវែលសេឡង់បានបញ្ចេញផែនទីលម្អិតគួរឲ្យភ្ញាក់ផ្អើល នៃអ្វីដែលត្រូវបានគេហៅថា «ទ្វីបដែលបាត់បង់» ហើយផែនទីនេះបានផ្ដល់ឲ្យយើង នូវការប្រៀបធៀបទៅនឹងប្រទេសអូស្ត្រាលីដែលនៅជិតខាង ថាតើដែនដីនៅតំបន់នេះអាចនឹងមានរូបរាងយ៉ាងដូចម្ដេច ប្រសិនបើកម្រិតកម្ពស់ទឹកសមុទ្រមិនខ្ពស់ដូចសព្វថ្ងៃនេះ។
រូបរាងនៃ Zealandia ទាំងមូលគឺអាចចាត់ទុកថា ជាទ្វីបមួយបាន។ វាមានទាំងតំបន់ខ្ពង់រាបនិងទំនាប។ មិនតែប៉ុណ្ណោះ វាមានតំបន់ដីខ្ពស់ដ៏ធំមួយ ប្រសិនបើវាអាចងើបចេញពីទឹកសមុទ្របានបន្តិច វាអាចនឹងក្លាយជាវាលខ្សាច់ឬក៏វាលស្មៅ។ ដែនដីដែលបាត់បង់នេះ គឺមានទំហំធំណាស់ ប្រសិនបើប្រៀបធៀបជាមួយប្រទេសនូវែលសេឡង់ ដូចដែលយើងបានដឹងនៅសព្វថ្ងៃនេះ។
ផែនដីមានការផ្លាស់ប្ដូរឥតឈប់ឈរ។ ទ្វីបដែលយើងបានដឹងក្នុងពេលសព្វថ្ងៃនេះ អាចនឹងមានរូបរាងផ្សេងទៀត កាលពីជាង១០០លានឆ្នាំមុន។ កាលពីមុនទ្វីបទាំងអស់នៅជិតៗគ្នា ប៉ុន្តែប្រសិនបើជាវាមិនបានញែកចេញពីគ្នាទេ ម្ល៉េះទ្វីប Zealandia ច្បាស់ជាមានសភាពអ៊ូអរ ជាជាងស្ថិតនៅក្រោមទឹកបែបនេះ៕