កំពុងអង្គុយចាំរថយន្តក្រុង ស្រាប់តែរថយន្តមួយគ្រឿងបើកបុក សំណាងល្អមិនបង្កគ្រោះថ្នាក់

បុរសជនជាតិរុស្ស៊ីម្នាក់ ស្ទើរតែរងគ្រោះថ្នាក់ ដោយសារតែរថយន្តមួយគ្រឿង បានបើកមកបុកកៅអី ដែលស្ថិតនៅចំណតរថយន្តក្រុងមួយកន្លែង ខណៈពេលដែលបុរសនោះ កំពុងអង្គុយចាំរថយន្តក្រុង ធ្វើឲ្យគាត់មានការភិតភ័យយ៉ាងខ្លាំង។

យោងតាមប្រភពព័ត៌មាន ស្ទ៉មរបស់ប្រទេសសឹង្ហបុរី បានឲ្យដឹងថា បុរសជនជាតិរុស្ស៊ីម្នាក់ បានអង្គុយអានសៀវភៅ ដើម្បីរង់ចាំរថយន្តក្រុង ដោយបានអង្គុយលើកៅអី ដែលដាក់នៅចំណតរថយន្តក្រុងមួយកន្លែង ប៉ុន្តែរំពេចនោះ ស្រាប់តែមានរថយន្តមួយគ្រឿង បានបើកបរសំដៅ មករកកន្លែងដែលគាត់អង្គុយ តែសំណាងល្អ រថយន្តបុកមិនចំបុរសនោះ ហើយបុរសនោះ បានគេចខ្លួនទាន់ពេលទៀត មិនបណ្តាលឲ្យរងគ្រោះថ្នាក់អ្វីឡើយ។

ហេតុការណ៏នេះដែរ គេមិនបានដឹងថា បុរសបង្កហេតុមានរឿងអ្វី ឬយ៉ាងណានោះទេ បានជាបើកមកបុកកន្លែងអង្គុយ នៅចំណតរថយន្តក្រុងបែបនេះ។

សូមទស្សនាវីដេអូខាងក្រោមទាំងអស់គ្នា៖

ដោយ ៖ ប៊ី

ខ្មែរឡូត