ញូដេលី៖ ប្រទេសឥណ្ឌាបានបញ្ជូនយន្ដហោះចម្បាំងរបស់ខ្លួន ទៅហោះក្រឡឹងមើលនៅតាមតំបន់ជួរភ្នំហិមាល័យ ខណៈប្រទេសចិនបានចោទប្រកាន់ឥណ្ឌាជាថ្មី ថាជាអ្នកបង្កឱ្យមានការប៉ះទង្គិចគ្នានៅតំបន់ព្រំដែន កាលពីដើមខែនេះ ដែលបណ្តាលឱ្យទាហានឥណ្ឌាយ៉ាងតិច ២០ នាក់ ត្រូវស្លាប់បាត់បង់ជីវិត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយន្ដហោះចម្បាំងឥណ្ឌា តែងហោះល្បាតនៅរៀងរាល់ថ្ងៃពុធ ដោយចេញពីមូលដ្ឋានយោធាមួយនៅតំបន់ទីប្រជុំជន Leh ដែលជាតំបន់សំខាន់របស់ឥណ្ឌា ហើយឆ្ពោះទៅកាន់ព្រំដែនតំបន់ភ្នំចម្ងាយជាង ២៤០ គីឡូម៉ែត្រ។
លោក Tashi Chhepal ដែលជាមេបញ្ជាការកងទ័ពឥណ្ឌាចូលនិវត្តន៍ម្នាក់ ធ្លាប់បម្រើការក្នុងមូលដ្ឋានទ័ពនៅតំបន់ខាងលើ បាននិយាយថា៖
គួរជម្រាបផងដែរថា ការប៉ះទង្គិចមួយរវាងកងទ័ពឥណ្ឌានិងចិន គឺបានកើតឡើងកាលពីថ្ងៃទី ១៥ ខែមិថុនា នៅជ្រលងភ្នំ Galwan ដោយក្នុងនោះទាហានទាំងសងខាង ត្រូវស្លាប់និងរងរបួសជាច្រើននាក់។ ប៉ុន្តែបើទោះបីជាយ៉ាងណាក៏ដោយ ភាគីខាងចិន បានលើកឡើងថា ការប្រយុទ្ធគ្នាកាលពីយប់ថ្ងៃច័ន្ទនោះ គឺបណ្តាលមកពីភាគីឥណ្ឌាចូលលុកលុយតំបន់ ដែលប្រទេសចិនកំពុងកាន់កាប់ ខណៈឥណ្ឌាបានអះអាងថា ទាហានចិនបានចូលឈ្លានពានទឹកដីរបស់ខ្លួន នៅតំបន់ភាគខាងលិចជួរភ្នំហិម៉ាល័យ ក៏ដូចជាតំបន់មួយចំនួនទៀត៕