ចិន៖ លោកតា Chen San-yuan ដែលគេដាក់រហស្សនាមឲ្យថា «លោកតា Pokémon Go» បានវិវឌ្ឍន៍កង់របស់គាត់ ទៅជាទម្រង់ថ្មីមួយទៀត ដោយបំពាក់ទូរសព្ទរហូតដល់ចំនួន៦៤ នៅពីខាងមុខ។

កាលពីពេលកន្លងទៅ លោកតា Chen បានផ្ទុះការភ្ញាក់ផ្អើលម្ដងរួចមកហើយ នៅឆ្នាំ២០១៨ បន្ទាប់ពីមានរូបភាពប៉ុន្មានសន្លឹក បង្ហាញពីរូបគាត់លេងហ្គេម Pokémon Go ដោយមានទូរសព្ទចំនួន១១ ភ្ជាប់នឹងកង់របស់គាត់។ ក្នុងរយៈពេលពីរឆ្នាំចុងក្រោយនេះ លោកតា gamer រូបនេះបានបន្ថែមទូរសព្ទជាច្រើន ទៅលើទម្រដាក់ទូរសព្ទនៅពីខាងមុខកង់។

លោកតា  Chen San-yuan និងទូរសព្ទជាច្រើន ដែលបំពាក់នៅលើកង់

កាលពីឆ្នាំ២០១៩ គាត់បានប្រើស្មាតហ្វូនចំនួន៤៥ ក្នុងពេលតំណាលគ្នា នៅពេលដែលគាត់ជិះកង់ និងព្យាយាមចាប់សត្វចម្លែកទាំងអស់។

នៅក្នុងបទសម្ភាសន៍ឆ្នាំ២០១៨ លោក Chen បានពន្យល់ថា គាត់បានចាប់ផ្ដើមលេងហ្គេម Pokémon Go បន្ទាប់ពីរៀនលេងវា ពីចៅប្រុសរបស់គាត់។ លោកតាបាននិយាយទៀតថា លោកគ្រាន់តែលេងហ្គេមនេះ ដើម្បីចាប់សត្វចម្លែក Pokémon ដ៏កម្រ និងធ្វើឲ្យពួកវាកាន់តែខ្លាំងជាងមុន ប៉ុន្តែរូបគាត់កម្រចូលរួមប្រកួតឬប្រយុទ្ធជាមួយអ្នកលេងដទៃណាស់៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ