ត្រឹមតែមួយថ្ងៃ! ចំនួនអ្នកឆ្លងជំងឺ COVID-១៩ ថ្មីនៅប្រទេសហ្វីលីពីនមានចំនួន ១,១៥០ នាក់

ម៉ានីល៖ ចំនួនអ្នកឆ្លងជំងឺ COVID-១៩ នៅប្រទេសហ្វីលីពីនបានកើនឡើងដល់ ៣១,៨២៥ នាក់បន្ទាប់ពីក្រសួងសុខាភិបាល (DOH) បានរាយការណ៍ថា មានការឆ្លងខ្ពស់ដែលមានចំនួន ១,១៥០ នាក់កាលពីថ្ងៃអង្គារ។

DOH បាននិយាយនៅក្នុងព្រឹត្តិប័ត្ររបស់ខ្លួនថា ចំនួននៃការជាសះស្បើយបានកើនឡើងដល់ ៨,៤៤២ បន្ទាប់ពីអ្នកជំងឺ ២៩៩ នាក់បានជាសះស្បើយពីជំងឺនេះបន្ថែមទៀត។ ចំនួនអ្នកស្លាប់ក៏កើនឡើងដល់ ១,១៨៦ នាក់ផងដែរ បន្ទាប់ពីមានអ្នកជំងឺ ៩ នាក់ទៀតបានស្លាប់ដោយសារជំងឺនេះ។

យោងតាម DOH ករណី ៣១៧ នៃករណីដែលបានរាយការណ៍ប្រចាំថ្ងៃគឺនៅ Metro Manila ករណីចំនួន ៣២០ ករណីនៅតំបន់ Central Visayas ភាគកណ្តាលប្រទេសហ្វីលីពីន និង ៥១៣ ករណីត្រូវបានរាយការណ៍ នៅផ្នែកផ្សេងទៀតនៃប្រទេសនេះ៕

ប្រភព៖ ទីភ្នាក់ងារសារព័ត៌មានស៊ីនហួរ