បរទេស៖ មជ្ឈមណ្ឌលសិក្សាវត្ថុនៅជិតផែនដី (CNEOS) របស់អង្គការណាសា បានឱ្យដឹងថា អាចម៍ផ្កាយដ៏ធំមួយ ដែលមានទំហំធំជាងប៉មនាឡិកាក្នុងទីក្រុងឡុងដ៍បីដង នឹងហោះមកកៀកផែនដីនៅថ្ងៃនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអង្គការណាសា បានហៅឈ្មោះអាចម៍ផ្កាយនោះថា 441987 (2010 NY65) ដែលវាមានប្រវែងមុខកាត់ប្រមាណ ៣១០ម៉ែត្រ ហើយនឹងហោះមកជិតផែន នៅថ្ងៃពុធ ទី ២៤ ខែមិថុនា វេលាម៉ោង ០៧:៤៤ (ម៉ោងនៅទីក្រុងឡុងដ៍) និងស្ថិតនៅរយៈចម្ងាយ ៣,៧ លានគីឡូម៉ែត្រពីផែនដី។
441987 (2010 NY65) នឹងហោះក្នុងល្បឿនរហូតដល់ទៅ ១២,៨៩ គីឡូម៉ែត្រក្នុងមួយវិនាទី ដែលលឿនជាងគ្រាប់កាំភ្លើងប្រហែល ១៤ដង ហើយអង្គការណាសាបានពន្យល់ថា ឱកាសនៃអាចម៍ផ្កាយ 441987 (2010 NY65) ហោះមកបុកនឹងផែនដី គឺមិនអាចកើតមានឡើងនោះទេ។
សូមជម្រាបផងដែរថា អាចម៍ផ្កាយ 441987 (2010 NY65) ត្រូវបានរកឃើញដំបូង កាលពីថ្ងៃទី១៤ ខែកក្កដា ឆ្នាំ ២០១០ ហើយបច្ចុប្បន្ននេះទីភ្នាក់ងារអវកាស និងក្រុមតារាវិទូរបស់អង្គការណាសា បាននឹងកំពុងតាមដានអាចម៍ផ្កាយជិតធំៗ ២,០០០ ដែលរួមបញ្ចូលទាំងផ្កាយដុះកន្ទុយ និងវត្ថុផ្សេងៗទៀត ដែលអាចបង្កការគំរាមកំហែងដល់ភពផែនដីយើងនាពេលអនាគត៕