សត្វស្វារាប់រយក្បាលនៅក្នុងប្រទេសថៃ ត្រូវបានគេចាប់ក្រៀវ ដោយសារបញ្ហានេះ...

ថៃ៖ ស្វាប្រមាណ២,០០០ក្បាល ដែលរស់នៅក្នុងខេត្តឡូពបូរី ភាគកណ្ដាលប្រទេសថៃ បានទាក់ទាញភ្ញៀវទេសចរជុំវិញពិភពលោកឲ្យមកលេងកម្សាន្តឥតដាច់ ហើយពួកវាក៏តែងតែបានចំណីសុីឆ្អែតៗពីភ្ញៀវទេសចរផងដែរ។ យ៉ាងណាមិញ ចាប់តាំងពីប្រទេសថៃបានបិទច្រកព្រំដែនរបស់ខ្លួននៅថ្ងៃទី៤ ខែមេសា ឆ្នាំ២០២០ ដើម្បីគ្រប់គ្រងការឆ្លងរាលដាលវីរុសកូរ៉ូណា បានធ្វើឲ្យហ្វូងស្វាទាំងនោះមិនមានចំណីស៊ីគ្រប់គ្រាន់ទេ ហើយពួកវាបានអុកឡុកអ្នកស្រុកដើម្បីបានចំណីស៊ីទៀតផង។

ដើម្បីដោះស្រាយបញ្ហានេះ អាជ្ញាធរខេត្ដឡូពបូរីបានដាក់ផែនការចាប់ស្វាឈ្មោលចំនួន៥០០ក្បាល មកក្រៀវក្នុងរយៈពេល២ខែ ដែលការក្រៀវនេះនឹងមិនបង្កការគំរាមកំហែងដល់ចំនួនសត្វស្វាឡើយ គឺគ្រាន់តែដើម្បីកាត់បន្ថយកំណើនរបស់ពួកវា ស្របពេលអត្រាភ្ញៀរទេសចរធ្លាក់ចុះខ្លាំងប៉ុណ្ណោះ។

ទន្ទឹមនឹងនេះ លោកស្រី Supakarn Kaewchot ជាមន្ដ្រីពេទ្យសត្វរបស់រដ្ឋាភិបាលបាននិយាយថា៖

លោកស្រីបន្ដថា៖

គួរបញ្ជាក់ថា ខេត្ដឡូពបូរីប្រៀបបានជាផ្ទះរបស់ពពួកសត្វស្វារាប់ពាន់ក្បាលនោះអីចឹង ដែលពួកវាបានបែងចែកជាពីរក្រុម និងរស់នៅតំបន់ពីរផ្សេងគ្នា ដែលមួយក្រុមរស់នៅក្បែរបរិវេណប្រាសាទ និងមួយក្រុមទៀតរស់នៅក្នុងទីក្រុង៕

សូមទស្សនារូបភាពបន្ថែម៖