រីយ៉ូដឺចេណេរ៉ូ៖ បច្ចុប្បន្ននេះ ជំងឺកូវីដ១៩បានបន្តឆក់យកជីវិតពលរដ្ឋប្រេស៊ីលអស់ជាង ៥ម៉ឺននាក់ ក្នុងចំណោមអ្នកឆ្លងជំងឺជាង ១លាននាក់។ ប៉ុន្តែទោះបីជាយ៉ាងណាក្តី ក៏ពលរដ្ឋប្រេស៊ីលមួយចំនួន ហាក់មិនមានការខ្លាចរអាទៅនឹងជំងឺកាចសាហាវនេះ ហើយបែរជានាំគ្នាទៅលេងឆ្នេរសមុទ្រយ៉ាងច្រើនកុះករ ដោយមិនបានរក្សាគម្លាតឆ្ងាយពីគ្នា ក៏ដូចជាពាក់ម៉ាសការពារឱ្យបានត្រឹមត្រូវ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពីថ្ងៃចន្ទកន្លងទៅ ក្រសួងសុខាភិបាលប្រេស៊ីលបានរាយការណ៍ថា មនុស្សចំនួន ២១,៤៣២ នាក់បានឆ្លងជំងឺកូវីដ១៩ ហើយក្នុងនោះមានមនុស្សយ៉ាងហោចណាស់ ៦៥៤ នាក់ ត្រូវបានស្លាប់បាត់បង់ជីវិត បន្ទាប់ពីឆ្លងជំងឺនេះ។
គួរជម្រាបផងដែរថា ដោយសារកង្វះការធ្វើតេស្ត និងការគោរពតាមវិធានការរក្សាគម្លាតឆ្ងាយពីសង្គម បានធ្វើឱ្យករណីឆ្លងជំងឺកូវីដ១៩នៅប្រទេសប្រេស៊ីល បន្តកើនឡើងខ្លាំងនៅលើពីភពលោក បន្ទាប់ពីសហរដ្ឋអាមរិក។ ហើយខណៈពេលដែលស្ថានភាពនៃជំងឺកាចសាហាវនេះ នៅមិនទាន់ធូរស្រាលផងនោះ រដ្ឋាភិបាលប្រេស៊ីល បានសម្រេចប្រកាសបន្ធូរបន្ថយវិធានការបិទទ្វារប្រទេស ក្នុងគោលបំណងស្តាសេដ្ឋកិច្ចជាតិឡើងវិញ៕