កីឡា​ករ​ ៥នាក់ ​របស់ Red ​Star​ រក​ឃើញ​ផ្ទុក​​COVID​-19​ ​ក្រោយ​លើក​ពាន​លីគ​ Super​Liga​

យោងតាមការផ្សាយរបស់ CNA នៅថ្ងៃទី២២​ ខែមិថុនា ឆ្នាំ២០២០ នេះ បានឲ្យដឹងថា មានកីឡាករ ៥នាក់ ដែលស្ថិតនៅជាសមាជិក ក្រុមបាល់ទាត់ Red Star Belgrade បានធ្វើតេស្តវិជ្ជមានលើជំងឺផ្លូវដង្ហើមថ្មី Covid-19។ ការរកឃើញនេះ ធ្វើឡើងក្រោយពេលលើកពាននៃកំពូលជើងឯក SuperLika រដូវកាលឆ្នាំ ២០១៩-២០២០ ដោយមានអ្នកទស្សនាក្នុងកីឡាដ្ឋាន ជាង ១៨០០០ នាក់ជាង ផងដែរ។

បញ្ហានេះបានកើតឡើងក្រោពេលរដ្ឋាភិបាល បានបន្ធូរបន្ថយការរឹតបន្តឹងជាសាធារណៈ ដែលបានអនុញ្ញាតឲ្យមានការជួបជុំឡើងវិញ។ នេះបើតាមការបញ្ជាក់ពីក្លឹបនាថ្ងៃទី​២២ ខែមិថុនា ឆ្នាំ២០២០។

រដ្ឋាភិបាល ស៊ែប៊ី បានបន្ធូរបន្ថយការរឹតបន្តឹងសាធារណៈលើការទប់ស្កាត់ Covid-19 ហើយបើកការអនុញ្ញាត ឲ្យមានអ្នកគាំទ្រចូលមើល ការប្រកួតនេះឡើងវិញដែរ។ ហើយការជួបជុំដ៏ច្រើនជាងគេនៅ អ៊ឺរ៉ុប ក្នុងកីឡាដ្ឋាន ប្រមាណ ១៨០០០នាក់ ដើម្បីទស្សនាក្រុម Red Star ប៉ះក្រុម Partizan Belgrade ក្នុងជំនួប ដឺប៊ី ក្លឹប។

ក្លឹបខាងលើបានបន្តថា កីឡាករ ៤នាក់ ក្នុងចំណោម ៥នាក់ មិនបានចូលរួមប្រកួតនោះទេ ដោយហេតុពួកគេមានអារម្មណ៍ មិនស្រួលខ្លួនមុនការប្រកួត ដែលអាចពាក់ព័ន្ធនិងរោគសញ្ញា Covid-19។

គួរបញ្ជាក់ថា កីឡាករទាំង ៥នាក់ ដែលវិជ្ជមាន Covid-19 នោះមានឈ្មោះ Marko Gobeljic, Njegos Petrovic, Dusan Jovancic, Marko Konatar និង Branko Jovicic ដែលពួកគេ បានវិលត្រលប់មកវិញជាមួយនឹងលទ្ធផលវិជ្ជមានសម្រាប់ជំងឺនេះ។

ក្រោយមកកីឡាករ 5នាក់ខាងលើ បានដាក់ខ្លួនស្នាក់នៅដាច់ដោយឡែកពីគេ និងមានការទាក់ទងយ៉ាងល្អជាមួយក្រុមគ្រូពេទ្យក្លឹប ។

នេះជាលើកទី៣ហើយ ដែលក្រុម Red Star លើកពានលីគ កំពូលជាប់ៗគ្នា ក្នុងចំណោម ៦លើកមកនេះ ហើយថ្ងៃលើកពានក៏មានអ្នកគាំទ្រជា ១៨០០០​នាក់ ចូលរួមទស្សនានៃការប្រគួតនេះ៕