ថៃ៖ និយតករអាកាសចរណ៍ថៃបាននិយាយនៅថ្ងៃព្រហស្បតិ៍នេះថា ប្រទេសថៃអាចអនុញ្ញាតឱ្យការធ្វើដំណើរអន្តរជាតិចូលមកប្រទេសខ្លួនវិញបាននៅខែក្រោយក្នុងគោលបំណងធ្វើពាណិជ្ជកម្ម ខណៈពេលដែលប្រទេសនេះកំពុងព្យាយាមធ្វើឱ្យសេដ្ឋកិច្ចងើបឡើងវិញបន្ទាប់ពីបានរងផលប៉ះពាល់យ៉ាងធ្ងន់ធ្ងរដោយផលប៉ះពាល់នៃជំងឺ COVID-១៩ និងការទប់ស្កាត់ការធ្វើដំណើរជាសកល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សឧស្សាហកម្មទេសចរណ៍របស់ប្រទេសថៃដែលមានចំនួន ១២% នៃសេដ្ឋកិច្ចជាតិសរុបនោះត្រូវបានធ្លាក់ចុះ ដោយសារការហាមឃាត់ការធ្វើដំណើរនិងការព្រួយបារម្ភអំពីសុខភាព ហើយគម្រោងដែលនឹងទាក់ទាញភ្ញៀវទេសចរឱ្យមានការកើនឡើងនៅឆ្នាំនេះបែរជាត្រូវធ្លាក់ចុះពីចំនួនជិត ៤០ លាននាក់នៅក្នុងឆ្នាំ ២០១៩ មកនៅត្រឹមចំនួន ១៤ លាននាក់នៅឆ្នាំនេះ។
អគ្គនាយកអាជ្ញាធរអាកាសចរណ៍ស៊ីវិលថៃ (CAAT) លោក Chula Sukmanop បានប្រាប់សារព័ត៌មាន Reuters ថា “នៅក្នុងខែកក្កដាយើងអាចបើកដំណើរការសម្រាប់ក្រុមមួយចំនួន ប៉ុន្តែវានឹងមិនបើក ១០០ ភាគរយទេ”។
លោក Chula បាននិយាយថា ការហាមឃាត់ការហោះហើរសម្រាប់មនុស្សទាំងអស់លើកលែងតែការ ធ្វើមាតុភូមិនិវត្តន៍នឹងត្រូវផុតកំណត់នៅចុងខែនេះ ប៉ុន្តែទំហំដែលប្រទេសនេះអាចបើកឡើងវិញបានគឺ អាស្រ័យលើមជ្ឈមណ្ឌលសម្រាប់ការគ្រប់គ្រងស្ថានភាពជំងឺ COVID-១៩ របស់រដ្ឋាភិបាល។
ប្រទេសថៃដែលមានកំណត់ត្រាករណីឆ្លងវីរុសនេះចំនួន ៣,១៤១ នាក់ និងអ្នកស្លាប់ចំនួន ៥៨ នាក់បានផ្អាកជើងហោះហើរអន្តរជាតិកាលពីខែមេសា។
លោក Chula បាននិយាយថាក្រុមអ្នកធ្វើដំណើរជាក់លាក់មួយចំនួនអាចត្រូវបានអនុញ្ញាតឱ្យធ្វើទស្សនកិច្ចដូចជា គណៈប្រតិភូធុរកិច្ច ប៉ុន្តែពួកគេអាចនឹងត្រូវដាក់ឱ្យនៅដាច់ពីគេនៅពេលមកដល់។
ប្រទេសថៃបានបន្ធូរបន្ថយការរឹតត្បិតជាច្រើន និងមិនមានការចម្លងជំងឺនេះសម្រាប់អ្នករស់នៅក្នុងប្រទេសថ្មីអស់រយៈពេល ២៤ ថ្ងៃមកហើយ។ រាល់ករណីថ្មីៗរួមមាន ៦ ករណីដែលត្រូវបានរាយការណ៍កាលពីថ្ងៃអង្គារត្រូវបានគេរកឃើញថា ស្ថិតនៅក្នុងការដាក់នៅដាច់ដោយលែកក្នុងចំណោមប្រជាជន ថៃដែលត្រឡប់មកពីបរទេស។
លោកបានបន្ថែមថាព័ត៌មានលម្អិតសម្រាប់តម្រូវការធ្វើដំណើរកំពុងត្រូវបានពិភាក្សាដូចជា៖ វិញ្ញាបនប័ត្រអនុញ្ញាតឱ្យចូល និងលក្ខខណ្ឌផ្សេងទៀតមុនពេលចេញដំណើរនិងពេលមកដល់។
កាលពីថ្ងៃពុធក្រុមហ៊ុន Airports of Thailand Pcl បាននិយាយថា ខ្លួនរំពឹងថាការធ្វើដំណើរនឹង វិលត្រឡប់មករកកម្រិតធម្មតាវិញនៅខែតុលាឆ្នាំ ២០២២ ៕
ប្រភព៖ The Jakarta Post