ភ្នំពេញ៖ កាលពី១ម៉ោងមុននេះ ផេកផ្លូវការក្រសួងធនធានទឹក និងឧតុនិយម បានចេញសេចក្តីជូនដំណឹង ដោយចាប់ពីថ្ងៃទី២៤ ដល់ថ្ងៃទី៣០ ខែមិថុនា ឆ្នាំ២០២០ មានភ្លៀងបន្តធ្លាក់ ដើម្បីឲ្យប្រជាពលរដ្ឋជ្រាបជាដំណឹង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះ ក្រសួងធនធានទឹក និងឧតុនិយម ក៏បានក្រើនរំលឹកផងដែរថា មានបាតុភូតផ្គរ រន្ទះ ខ្យល់កន្រ្តាក់ ដែលអាចកើតមានជាយថាហេតុ។
ដោយក្នុងសេចក្តីជូនដំណឹង មានចែងដូចតទៅ៖
១) បណ្តាខេត្ត នៅតំបន់វាលទំនាបកណ្តាល
-សីតុណ្ហភាពអប្បបរមា មានពី ២៥-២៧°C
-សីតុណ្ហភាពអតិបរមា មានពី ៣៣-៣៥°C នឹងអាចមានភ្លៀងធ្លាក់រាយប៉ាយ ក្នុងកម្រិតតិចទៅបង្គួរ ។
២) បណ្តាខេត្ត នៅតំបន់ជួរភ្នំដងរែក និងខ្ពង់រាបឦសាន ៖
- សីតុណ្ហភាពអប្បបរមា មានពី ២៣-២៥°C
- សីតុណ្ហភាពអតិបរមា មានពី ៣១-៣៣°C នឹងអាចមានភ្លៀងធ្លាក់រាយប៉ាយពីខ្សោយទៅមធ្យម ។
៣) បណ្តាខេត្តនៅតំបន់មាត់សមុទ្រ ៖
- សីតុណ្ហភាពអប្បបរមា មានពី ២៦-២៨°C
- សីតុណ្ហភាពអតិបរមា មានពី ៣០-៣២°C នឹងអាចមានភ្លៀងពីតិចទៅបង្គួរ។