គួរឱ្យសរសើរ! រាល់ពេលធ្វើដំណើរទៅតាមខេត្តម្តងៗ ឆន សុវណ្ណារាជ តែងតែធ្វើមួយរឿងនេះ

ភ្នំពេញ៖ កំពូលតារាចម្រៀងប្រុសប្រចាំនៅក្នុងផលិតកម្មរស្មីហង្សមាស លោក ឆន សុវណ្ណារាជ នាពេលសព្វថ្ងៃនេះនៅតែអាចរក្សាបាននូវភាពល្បីល្បាញរបស់ខ្លួនដដែលតាមរយៈបទចម្រៀង មនោសញ្ចេតនា និងបទចម្រៀងបែបញាក់កន្ត្រាក់អារម្មណ៍។

ស្របពេលដែលលោកតែងតែធ្វើដំណើរចុះខេត្តក្រុងជាញឹកញាប់នោះ លោក ឆន សុវណ្ណារាជ បានបង្ហើបប្រាប់នូវអាថ៌កំបាំងរបស់លោកមួយចំណុចដែលហាក់ប្លែកខ្លាំងមែនទែនសម្រាប់តារាចម្រៀងរូបនេះ។

តាមពិតទៅលោក ឆន សុវណ្ណារាជ គឺជាអ្នកដែលនិយមអានសៀវភៅមួយរូបដែរ រាល់ពេលដែលលោកធ្វើដំណើរទៅតាមខេត្តម្តងៗ លោកតែងតែមានសៀវភៅប្រលោមលោកដាក់តាមខ្លួនជានិច្ច ដើម្បីឆ្លៀតពេលទំនេរអានលេងកំដរអារម្មណ៍ និងផ្តល់នូវសេចក្តីសន្តិភាពដល់ផ្លូវចិត្តផងដែរ។

សៀវភៅរឿងប្រលោកលោកចំនួន ០២ក្បាល ហើយដែលកត់សម្គាល់ឃើញថាកំពូលតារាចម្រៀងរូបនេះបានបង្ហោះជាសាធារណៈជូនប្រិយមិត្តឱ្យបានឃើញនោះគឺសៀវភៅ “មនោសញ្ចេតនា” និង “ម៉ឺនឯក”។

លោក ឆន សុវណ្ណារាជ មិនត្រឹមតែចូលចិត្តអានសៀវភៅពេលចុះច្រៀងខនសឺតនៅតាមខេត្តនោះទេ សូម្បីតែពេលដែលលោកធ្វើដំណើរទៅក្រៅប្រទេសក៏លោកមានសៀវភៅនៅតាមជាប់ខ្លួនដែរ៕

សូមទស្សនារូបភាពខាងក្រោម៖