ឥណ្ឌា៖ សេចក្តីប្រកាសព័ត៌មានរបស់ក្រុមហ៊ុនផលិតឱសថឥណ្ឌា Cipla បានឱ្យដឹងកាលពីថ្ងៃអាទិត្យថា ក្រុមហ៊ុន បានចាប់ផ្ដើមដាក់ឱ្យប្រាស់ និងលក់ថ្នាំ Remdesivir ១០០ មីលីក្រាម ដើម្បីព្យាបាលអ្នកជម្ងឺ COVID-១៩ ដែលមានស្ថានភាពធ្ងន់ធ្ងរនៅក្នុងប្រទេស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សថ្នាំ Remdesivir គឺជាថ្នាំប្រឆាំងវីរុសដែលមានវិសាលភាពធំទូលាយដែលត្រូវបានបង្កើតឡើងដោយក្រុមហ៊ុន Gilead Sciences ដែលមានមូលដ្ឋាននៅសហរដ្ឋអាមេរិកដែលបានពង្រីកអាជ្ញាប័ណ្ណមិនស្ម័គ្រចិត្តដល់ ក្រុមហ៊ុនឥណ្ឌា និងប៉ាគីស្ថានមួយចំនួនតូចរួមទាំងក្រុមហ៊ុនផលិតឱសថឥណ្ឌា Cipla ផងដែរដើម្បីផលិត និងចែកចាយថ្នាំប្រភេទនេះ។
បើយោងតាមលោក Umang Vohra នាយកគ្រប់គ្រងនិងជាអគ្គនាយកក្រុមហ៊ុន Cipla Limited បានលើកឡើងថា៖ “យើងបានវិនិយោគយ៉ាងស៊ីជម្រៅក្នុងការរុករកមធ្យោបាយដែលអាចធ្វើទៅបានដើម្បីសង្គ្រោះជីវិត មនុស្សរាប់លាននាក់ដែលរងផលប៉ះពាល់ដោយជំងឺរាតត្បាត COVID-១៩ ហើយការចាប់ផ្តើមនេះគឺជាព្រឹត្តិការណ៍ សំខាន់មួយនៅក្នុងទិសដៅរបស់យើង។ ហើយយើងក៏នឹងបន្តសហការជាមួយអ្នកពាក់ព័ន្ធទាំងអស់នៅក្នុង ប្រព័ន្ធសុខាភិបាលក៏ដូចជាការសន្យាផ្ដល់ការព្យាបាលអោយមានភាពជឿនលឿនទៅមុខដោយមានការជឿជាក់ថា នឹងមិនមានអ្នកជំងឺណាម្នាក់បដិសេធក្នុងការទទួលយកការព្យាបាលដែលអាចជួយសង្គ្រោះអាយុជីវិតបានទេ” ។
កាលពីសប្តាហ៍មុនក្រុមហ៊ុនឥណ្ឌាមួយផ្សេងទៀតឈ្មោះ Glenmark Pharmaceuticals បានដាក់ អោយប្រើប្រាស់និងលក់ថ្នាំប្រឆាំងវីរុសឈ្មោះ Favipiravir សម្រាប់ការព្យាបាលអ្នកជំងឺ COVID-១៩ ក្នុងកម្រិត ស្រាលក្នុងទីផ្សារក្នុងស្រុកក្នុងតម្លៃ ១,៣៥ ដុល្លារសហរដ្ឋអាមេរិកក្នុងមួយគ្រាប់។
ក្រុមហ៊ុនផលិតឱសថ Cipla នឹងធ្វើពាណិជ្ជកម្មឡើងវិញតាមរយៈទីតាំងនិងកន្លែងដែលសហការគ្នាហើយ នឹងផ្គត់ផ្គង់ថ្នាំតាមរយៈរដ្ឋាភិបាលនិងបណ្តាញទីផ្សារបើកចំហដើម្បីធានាបាននូវការចែកចាយប្រកបដោយសមធម៌។
ដូចនៅព្រឹកថ្ងៃច័ន្ទនេះដែរប្រទេសឥណ្ឌាជាប់ចំណាត់ថ្នាក់ខ្ពស់ទី ៤ ក្នុងចំណោមប្រទេសទាំងអស់សម្រាប់ករណីជំងឺ COVID-១៩ មានចំនួន ១៧៤,៣៨៧ ករណី និងមានអ្នកស្លាប់ ១៣,៦៩៩ នាក់៕
ប្រភព៖ ទីភ្នាក់ងារសារព័ត៌មានស៊ីនហួរ