ភ្នំពេញ៖ នាព្រឹកថ្ងៃទី ២១ ខែ មិថុនា ឆ្នាំ ២០២០ នេះ អ្នកនាងស្រីអូន នាយិកាក្រុមហ៊ុន សម្រស់ធម្មជាតិ បានបង្ហាញវត្តមាននៅក្នុងកម្មវិធីបើកសម្ពោធហាងថ្មី ដែលជាតំណាងចែកចាយផលិតផល សម្រស់ធម្មជាតិ សាខាទួលគោក មានទីតាំងស្ថិតនៅផ្ទះលេខ ១៨E ផ្លូវ៣០៧ សង្កាត់បឹងកក់២ ខណ្ឌទួលគោក រាជធានីភ្នំពេញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
នៅក្នុងកម្មវិធីដ៏រីករាយនេះផងដែរ មានភ្ញៀវកិត្តិយសជាច្រើនទាំងនៅក្នុងទីក្រុងភ្នំពេញ និងនៅតាមបណ្ដាខេត្ត បានមកចូលរួមអបអរសាទរ ក៏ដូចជាមកជួបផ្ទាល់ជាមួយអ្នកនាងស្រីអូន ដើម្បីថតរូបបង្ហាញក្ដីស្រលាញ់ និងការគាំទ្រចំពោះនាង និងក្រុមហ៊ុន សម្រស់ធម្មជាតិ បន្ទាប់ពីបានប្រើប្រាស់ផលិតផល ហើយទទួលបានផលជាទីគាប់ចិត្ត។
នៅក្នុងឱកាសនេះដែរ ក្រុមហ៊ុនក៏បានផ្ដល់កាដូជា សាប៊ូ Olive Oil ដែលត្រូវបានវេចខ្ចប់យ៉ាងស្រស់ស្អាតចំនួន ៩៩៩ កញ្ចប់ សម្រាប់អ្នកចូលរួមក្នុងថ្ងៃនេះ ដែលមានទាំងម៉ូយចាស់ និងម៉ូយថ្មីៗរបស់ក្រុមហ៊ុន។
ក្នុងនោះដែរ នាយិកាក្រុមហ៊ុន សម្រស់ធម្មជាតិ គឺអ្នកនាងស្រីអូន ក៏បានថ្លែងប្រាប់អ្នកសារព័ត៌មាន ដោយបង្ហាញពីអារម្មណ៍រីករាយថា៖
សម្រាប់ខ្ញុំ ពិតជាមានអារម្មណ៍សប្បាយរីករាយខ្លាំងណាស់នៅពេលដែលបានឃើញ តំណាងចែកចាយធ្វើការសម្ពោធហាងថ្មី ហើយទទួលបានការគាំទ្រច្រើនបែបនេះ។ ជាក់ស្ដែងកន្លងមក ក្រុមហ៊ុនក៏ធ្លាប់បានសម្ពោធហាងថ្មីកាលពីមុនម្ដងរួចមកហើយ ដោយកាលនោះមានអ្នកចូលរួមមកទទួលកាដូ និងទិញផលិតផលដល់ទៅជាង ៥ ពាន់នាក់ឯណោះ។ ហើយក្រោយមកនៅពេលដែលមានការសម្ពោធថ្មី ក៏នៅតែមានភ្ញៀវមកចូលរួមយ៉ាងច្រើនកុះករមិនខុសពីមុនឡើយ។
មិនត្រឹមតែប៉ុណ្ណឹងទេ អ្នកនាងស្រីអូន ក៏បានបង្ហើបទៀតថា៖
ក្រុមហ៊ុននឹងមានប្រូម៉ូសិនសម្រាប់អតិថិជនជាហូហែរ។ ពិសេសសម្រាប់ការជាវឈុតសារ៉ាយសមុទ្រ Coosea អាចនឹងទទួលបានការថែមជូនឈុត Cosmetic ឬក៏ផលិតផលសារ៉ាយសមុទ្រ Coosea ពីលើនោះទៀតផង។ ជាក់ស្ដែងក្រុមហ៊ុន សម្រស់ធម្មជាតិ គឺតែងតែផ្ដល់ជូនប្រូម៉ូសិនពិសេសទៅកាន់អតិថិជនជារៀងរាល់ខែតែម្ដង។ សូមបញ្ជាក់ថា ផលិតផល Coosea ដ៏ល្បីនេះ គឺជាផលិតផលនាំចូលពីអាមេរិកផ្តាច់មុខដោយក្រុមហ៊ុន សម្រស់ធម្មជាតិ ដូច្នេះសម្រាប់ផលិតផល Coosea ក្រៅពី សម្រស់ធម្មជាតិ គឺគ្មានកន្លែងណាមានលក់ទៀតឡើយ។ សូមបងប្អូនកុំមានការយល់ច្រឡំ។
CEO ក្រុមហ៊ុន សម្រស់ធម្មជាតិ ក៏ដូចបណ្ដាតំណាងចែកចាយ ក៏បានថ្លែងអំណរគុណយ៉ាងជ្រាលជ្រៅទៅកាន់អតិថិជនទាំងអស់ ដែលតែងតែគាំទ្រផលិតផល សម្រស់ធម្មជាតិ និងបានឆ្លៀតឱកាសពេលវេលាដ៏មានតម្លៃមកចូលរួមកម្មវិធីបើកសម្ពោធហាងថ្មីនៅក្នុងថ្ងៃនេះផងដែរ៕
Bong I.T