ម៊ុមបៃ៖ អាជ្ញាធរឥណ្ឌានិយាយថា ប្រទេសចិនបានបាត់បង់ទាហានរបស់ខ្លួនយ៉ាងតិច ៤០នាក់ នៅក្នុងការប៉ះទង្គិចគ្នាដោយប្រើកម្លាំងបាយ ជាមួយទាហានឥណ្ឌា នៅតាមព្រំដែនជម្លោះ កាលពីថ្ងៃច័ន្ទសប្តាហ៍មុន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងបទសម្ភាសន៍ជាមួយទីភ្នាក់ងារសារព័ត៌មាន TV News24 លោក V.K.Singh ដែលជាអតីតមេបញ្ជាការកងទ័ពឥណ្ឌា បានលើកឡើងយ៉ាងដូច្នេះថា៖
អតីតមេបញ្ជាការកងទ័ពឥណ្ឌាខាងលើរូបនេះ មិនបានផ្តល់ភ័ស្តុតាងណាមួយ ដើម្បីគាំទ្រសេចក្តីថ្លែងការណ៍របស់លោកនោះទេ។ ប៉ុន្តែទោះបីជាយ៉ាងណាក៏ដោយ លោកបានអះអាងថា ប្រវត្តិសាស្ត្រប្រទេសចិន គឺមិនដែលរាយការណ៍ថាមានទាហានរបស់ខ្លួនប៉ុន្មាននាក់ បានស្លាប់នៅរាល់ពេលកើតមានភាពតានតឹងជាមួយប្រទេសឥណ្ឌានោះទេ។ តួយ៉ាង ដូចជាការប៉ះទង្គិចគ្នាជាមួយប្រទេសឥណ្ឌាកាលពីឆ្នាំ ១៩៦២ ជាដើម។
គួរឱ្យដឹងផងដែរថា ភាពតានតឹងរវាងប្រទេសឥណ្ឌា និងចិន បានកើតឡើងជាថ្មីអស់រយៈពេលជាច្រើនសប្តាហ៍កន្លងមកនេះ បន្ទាប់ពីមន្ត្រីឥណ្ឌាបានអះអាងថា ទាហានរបស់ចិនបានលុកលុយចូលដែនដី ដែលប្រទេសឥណ្ឌាកំពុងកាន់កាប់ ខណៈប្រទេសចិនបានប្រឆាំងនឹងការស្ថាបនាផ្លូវរបស់ឥណ្ឌានៅក្នុងតំបន់នោះ ដោយអះអាងថា វាគឺជាដែនដីរបស់ខ្លួន៕